മാഡ്രിഡ്/ ലണ്ടൻ: ലാ ലിഗ പുതിയ സീസണിന് വിജയത്തോടെ തുടക്കമിട്ട് റയൽ മാഡ്രിഡ്. അവസാന മിനിറ്റിൽ നേടിയ ഗോളിൽ റയൽ എസ്പാനിയോളിനെ തോൽപ്പിക്കുകയായിരുന്നു. മറ്റ് മത്സരങ്ങളിൽ സെവിയ്യ അത്‌ലറ്റിക്കിനെ തോൽപ്പിച്ചു. സെൽറ്റയും വലൻസിയയും തമ്മിലുള്ള മത്സരം ഗോൾരഹിത സമനിലയിൽ പിരിഞ്ഞു.

To advertise here,

മത്സരം തുടങ്ങി ഒമ്പതാം മിനിറ്റിൽ തന്നെ ജൂഡ് ബെല്ലിങ്ഹാമിലൂടെ റയൽ ലീഡെടുത്തു. ആർദ ഗുലൻ എടുത്ത ഫ്രീ കിക്ക് ഒന്നാന്തരമൊരു ഹെഡ്ഡറിലൂടെ ബെല്ലിങ്ഹാം വലയിലാക്കുകയായിരുന്നു. 30-ാം മിനിറ്റിൽ അലക്‌സ് കൽത്രാവയിലൂടെ എസ്പാനിയോൾ ഒപ്പം പിടിച്ചു. പിന്നീട് റയൽ ആക്രമണം ശക്തമാക്കി. രണ്ടാം പകുതിയിൽ എംബാപ്പെ ഉൾപ്പെടെയുള്ള താരങ്ങളെ റയൽ കളത്തിലിറക്കി. ഒടുവിൽ മത്സരം സമനിലയിലേക്ക് നീങ്ങുമെന്ന കരുതിയ 90-ാം മിനിറ്റിലാണ് കാർലോസ് എസ്പി റയലിന്റെ വിജയഗോൾ കണ്ടെത്തിയത്. ഇതോടെ വിലപ്പെട്ട മൂന്ന് പോയിന്റും അവരുടെ അക്കൗണ്ടിലെത്തി.

ചുവപ്പ് കാർഡ് കണ്ട മത്സരത്തിൽ സെവിയ്യ ഒന്നിനെതിരെ മൂന്ന് ഗോളിനാണ് അത്‌ലറ്റിക്കിനെ പരാജയപ്പെടുത്തിയത്. 11-ാം മിനിറ്റിൽ തന്നെ യൂരി ബെർകിച്ചെ ചുവപ്പ് കാർഡ് കണ്ടതോടെ അത്‌ലറ്റിക്ക് പത്ത് പേരുമായാണ് കളിച്ചത്. ഓസോ, ചിദേര, ഇസാക് റൊമേരോ എന്നിവർ സെവിയ്യയ്ക്കായി ലക്ഷ്യം കണ്ടു. അയ്റ്റർ പരദേസാണ് അത്‌ലറ്റിക്കിന്റെ ഗോൾ നേടിയത്.

അതേസമയം ഇംഗ്ലീഷ് പ്രീമിയർ ലീഗിൽ എവർട്ടൻ ക്രിസ്റ്റൽ പാലസിനേയും ബ്രെൻഫോർഡ് സ്പർസിനേയും തോൽപ്പിച്ചു. സണ്ടർലാൻഡിനെതിരെ ഇസ്പ്വിച്ച് ടൗണും നോട്ടം ഫോറസ്റ്റിനെതിരെ ലീഡ്‌സും വിജയം കണ്ടു. അതേസമയം ഹൾ സിറ്റി മാഞ്ചസ്റ്റർ യുണൈറ്റഡിനെ തോൽപ്പിച്ചു.