ലണ്ടന്‍: ആന്‍ഫീല്‍ഡില്‍നിന്നു പടിയിറങ്ങാനൊരുങ്ങി ലിവര്‍പൂള്‍ പരിശീലകന്‍ യൂർഗന്‍ ക്ലോപ്പ്. ലിവര്‍പൂള്‍ വെബ്‌സൈറ്റില്‍ കൊടുത്തിട്ടുള്ള അഭിമുഖത്തിലാണ് ക്ലോപ്പ് താന്‍ ഈ സീസണോടെ ക്ലബ്ബ് വിടുമെന്ന കാര്യം അറിയിച്ചത്. 2015-ല്‍ ജര്‍മന്‍ ക്ലബ്ബ് ബൊറൂസ്സിയ ഡോര്‍ട്ട്മുണ്‍ഡില്‍നിന്ന് ലിവര്‍പൂളിലെത്തിയ ക്ലോപ്പ് യുറോപ്യന്‍ ഫുട്‌ബോളിലെ ശക്തികേന്ദ്രങ്ങളിലൊന്നായി ചെമ്പടയെ തിരികെയെത്തിച്ചിരുന്നു.
30 വര്‍ഷത്തിനിടെ ലിവര്‍പൂളിനെ അവരുടെ ആദ്യ ലീഗ് കിരീടവിജയത്തിലേക്ക് എത്തിച്ചത് ക്ലോപ്പിന്റെ തന്ത്രങ്ങളായിരുന്നു. 2019-20 സീസണിലായിരുന്നു ഈ നേട്ടം. 2019-ല്‍ ക്ലബ്ബിന് ചാമ്പ്യന്‍സ് ലീഗ് കിരീടവും നേടിക്കൊടുത്തു. 2018, 2022 വര്‍ഷങ്ങളില്‍ ടീം ചാമ്പ്യന്‍സ് ലീഗ് ഫൈനലിലുമെത്തി. ക്ലബ്ബ് ലോകകപ്പ്, എഫ്എ കപ്പ് വിജയങ്ങളിലേക്കും ലിവര്‍പൂളിനെ നയിക്കാന്‍ ക്ലോപ്പിനായി.
Content Highlights: jurgen klopp to stand down as liverpool manager at end of season
Published: 26 Jan 2024, 07:41 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented