മഡ്രിഡ്: അച്ഛന്റെ വഴിയെ മാഞ്ചെസ്റ്റര്‍ യുണൈറ്റഡ് വിട്ട് ക്രിസ്റ്റ്യാനോ റൊണാള്‍ഡോയുടെ മകന്‍ ക്രിസ്റ്റ്യാനോ ജൂനിയറും. റൊണാള്‍ഡോ യുണൈറ്റഡ് വിട്ടതിനു പിന്നാലെയാണ് ഇപ്പോള്‍ മകനും ഇംഗ്ലീഷ് ക്ലബ്ബിന്റെ യൂത്ത് അക്കാദമിയോട് വിടപറഞ്ഞിരിക്കുന്നത്.
ഇതിനു പിന്നാലെ റയല്‍ മാഡ്രിഡ് അക്കാദമിയുമായി ക്രിസ്റ്റ്യാനോ ജൂനിയര്‍ പുതിയ കരാറിലെത്തുകയും ചെയ്തു. നേരത്തെ റയലിന്റെ അക്കാദമിയില്‍ കളിച്ചിരുന്ന ക്രിസ്റ്റ്യാനോ ജൂനിയര്‍ 20 കളികളില്‍ നിന്ന് 50 ഗോളുകളും നേടിയിട്ടുണ്ട്. 2018-ല്‍ റൊണാള്‍ഡോ റയല്‍ വിട്ട് ഇറ്റാലിയന്‍ ക്ലബ്ബ് യുവന്റസിലേക്ക് പോയതോടെയാണ് ക്രിസ്റ്റ്യാനോ ജൂനിയറും റയലിന്റെ യൂത്ത് അക്കാദമി വിട്ടത്. പിന്നീട് യുണൈറ്റഡിന്റെ അക്കാദമിയില്‍ ചേരുകയായിരുന്നു.
അടുത്തിടെ റൊണാള്‍ഡോ, പിയേഴ്സ് മോര്‍ഗനു നല്‍കിയ ഒരു അഭിമുഖമാണ് യുണൈറ്റഡും താരവും തമ്മിലുള്ള ബന്ധം വഷളാക്കിയത്. താന്‍ വഞ്ചിക്കപ്പെട്ടതായി തോന്നിയെന്നും ചിലര്‍ക്ക് തന്നെ യുണൈറ്റഡില്‍ ആവശ്യമില്ലെന്നും താരം തുറന്നടിച്ചിരുന്നു. ഇതിനു പിന്നാലെ റൊണാള്‍ഡോയുമായുള്ള കരാര്‍ അവസാനിപ്പിക്കാന്‍ യുണൈറ്റഡ് തീരുമാനിക്കുകയായിരുന്നു.
Content Highlights: Cristiano Ronaldo Jr leaves Manchester United to rejoin Real Madrid
Published: 28 Dec 2022, 08:39 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented