മാഞ്ചെസ്റ്റർ: ട്വന്റി20 വനിതാ ലോകകപ്പിൽ ദക്ഷിണാഫ്രിക്കയ്ക്കെതിരേ ഇന്ത്യയ്ക്ക് ആറ് വിക്കറ്റിന്റെ തോൽവി. ദക്ഷിണാഫ്രിക്കൻ ബാറ്റർ മരിസാനെ കാപ്പിന്റെ (45 പന്തിൽ 81 റൺസ്) പ്രകടനമാണ് അവരെ വിജയത്തിലേക്ക് നയിച്ചത്. സ്‌കോർ: ഇന്ത്യ: 20 ഓവറിൽ ഏഴ് വിക്കറ്റിന് 158. ദക്ഷിണാഫ്രിക്ക: 19.1 ഓവറിൽ നാല് വിക്കറ്റിന് 161. ആദ്യം ബാറ്റ് ചെയ്ത ഇന്ത്യ ഏഴ് വിക്കറ്റ് നഷ്ടത്തിൽ 158 റൺസ് നേടി. ഷെഫാലി വർമ (31), ക്യാപ്റ്റൻ ഹർമൻ പ്രീത് കൗർ (24), ദീപ്തി ശർമ (20) എന്നിവർക്ക് മാത്രമേ ഭേദപ്പെട്ട സ്‌കോറുകൾ കണ്ടെത്താനായുള്ളു. ദക്ഷിണാഫ്രിക്കൻ പേസർമാരായ മരിസാനെ കാപ്, ഷബ്നിം ഇസ്മായിൽ എന്നിവർ രണ്ട് വിക്കറ്റുകൾ വീതം നേടി. ദക്ഷിണാഫ്രിക്കയുടെ തസ്മിൻ ബ്രിറ്റ്സ് 36 പന്തിൽ നിന്ന് 40 റൺസ് നേടി.

To advertise here,