ന്യൂഡല്ഹി: കാർഷികമേഖലയ്ക്ക് ഈ സാമ്പത്തികവര്ഷം 1.52 ലക്ഷം കോടി രൂപ നീക്കിവെക്കുമെന്ന് കേന്ദ്ര ധനമന്ത്രി നിര്മല സീതാരാമന്. ഇതില് കാര്ഷിക മേഖലയില് ഉദ്പാദനവും ഉണര്വും നല്കാനുള്ള വിവിധ പദ്ധതികൾ ഉള്പ്പെടുന്നു.
കാര്ഷിക മേഖലയുടെ വളര്ച്ച ലക്ഷ്യംവെച്ചുള്ള ഗവേഷണത്തിന് പ്രാധാന്യം നല്കും. സ്വകാര്യമേഖലയെയും ഉള്പ്പെടുത്തിയായിരിക്കും പുതിയ വിളകൾ അടക്കം വികസിപ്പിക്കാനുള്ള ഗവേഷണം. മികച്ച ഉദ്പാദനം നല്കുന്ന 109 ഇനങ്ങള് വികസിപ്പിക്കും.
രണ്ടുവര്ഷംകൊണ്ട് രാജ്യത്തെ ഒരുകോടി കര്ഷകര്ക്ക് ജൈവ കൃഷിക്കായി സര്ട്ടിഫിക്കേഷനും ബ്രാന്ഡിങ്ങും നല്കുന്നതിന് ഗ്രാമപഞ്ചായത്തുകളും ഗവേഷണ സ്ഥാപനങ്ങളും വഴി അവസരമൊരുക്കും. പതിനായിരം ജൈവകാര്ഷിക കേന്ദ്രങ്ങള് സ്ഥാപിക്കും. പരിപ്പ്, എണ്ണക്കുരു എന്നിവയുടെ ഉദ്പാദനം, സംഭരണം, വിപണനം എന്നിവ കൂടുതല് ശക്തിപ്പെടുത്തും.
- പച്ചക്കറി ഉല്പാദനം വര്ധിപ്പിക്കുന്നതിന് ഉപഭോഗ മേഖലകളോടനുബന്ധിച്ച് വന്കിട കേന്ദ്രങ്ങള്. കാര്ഷിക സംഘങ്ങള്, സഹകരണ സംഘങ്ങള്, സ്റ്റാര്ട്ടപ്പുകള് തുടങ്ങിയവയെ ഉപയോഗപ്പെടുത്തി പച്ചക്കറി സംഭരണത്തിനും വിപണനത്തിനും സൗകര്യമൊരുക്കും.
- സംസ്ഥാനസര്ക്കാരുകളുമായി സഹകരിച്ച് ഡിജിറ്റല് പബ്ലിക് ഇന്ഫ്രാസ്ട്രെക്ചര് കൊണ്ടുവരും.
- ജന് സമര്ഥ് അടിസ്ഥാനമാക്കിയുള്ള കിസാന് ക്രെഡിറ്റ് കാര്ഡ് അഞ്ച് സംസ്ഥാനങ്ങളില് അവതരിപ്പിക്കും
- ചെമ്മീന് ഉദ്പാദനവും കയറ്റുമതിയും വര്ധിപ്പിക്കുന്നതിനായി വിത്ത് ഉദ്പാദന കേന്ദ്രങ്ങള്. നബാര്ഡ് മുഖേന ധനസഹായം നല്കും.
- രണ്ട് ലക്ഷം കോടിയുടെ അഞ്ച് പദ്ധതികള്
- കാലാവസ്ഥ മാറ്റത്തെ അതിജീവിക്കുന്ന ഒമ്പത് വിളകള് വികസിപ്പിക്കാന് പദ്ധതി. കിസാന് ക്രെഡിറ്റ് കാര്ഡ് അഞ്ച് സംസ്ഥാനങ്ങളില് കൂടി.
- മൂന്നു വര്ഷത്തിനകം 400 ജില്ലകളില് ഡിജിറ്റല് വിള സര്വെ. ആറ് കോടി കര്ഷകരുടെയും ഭൂമിയുടേയും വിവരങ്ങള് ശേഖരിക്കും.
Content Highlights: Union Budget 2024 Nirmala Sitharaman Announce-latest updates agriculture sector
Published: 23 Jul 2024, 11:37 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented