സിനിമയിൽ തിരുവനന്തപുരം ബെൽറ്റ് ഇല്ലെന്നും എല്ലാവരും പോയി, ഇപ്പോൾ ബക്കിൾ മാത്രമായെന്നും നിർമാതാവ് ജി. സുരേഷ് കുമാർ. ടീം ട്രിവാൻഡ്രം എന്ന വിഷയത്തിൽ നടന്ന ചർച്ചയിൽ സംവിധായകൻ പ്രിയദർശൻ, നടൻ മണിയൻപിള്ള രാജു എന്നിവർക്കൊപ്പം പങ്കെടുക്കുകയായിരുന്നു അദ്ദേഹം.
സിനിമയിലെ തിരുവനന്തപുരം സംഘത്തെക്കുറിച്ചായിരുന്നു ചർച്ച. അതൊരു നായർ സംഘമായിരുന്നോ എന്ന് മോഡറേറ്റർ ആർ. ശ്രീകണ്ഠൻനായർക്കു സംശയം. ഞങ്ങൾ സൗഹൃദമുണ്ടാക്കിയത് കരയോഗമുണ്ടാക്കാനല്ലെന്ന് സുരേഷ് കുമാറിന്റെ മറുപടി.
സിനിമയിൽ ജാതിയില്ലെന്ന് മണിയൻപിള്ള രാജു. മോഹൻലാലിനെ അവതരിപ്പിച്ചത് ഫാസിലാണ്. മമ്മൂട്ടിയെ കൊണ്ടുവന്നത് എം.ടി. വാസുദേവൻ നായരും- രാജു ചൂണ്ടിക്കാട്ടി.
ചർച്ചയ്ക്കു കയറും മുൻപ് മണിയൻപിള്ള രാജു തന്നോടു ചോദിച്ചകാര്യം പ്രിയദർശൻ വെളിപ്പെടുത്തി. ‘നമ്മൾ എന്താണ് പറയാൻ പോകുന്നത്?’ പ്രിയൻ ആശ്വസിപ്പിച്ചു. ‘കുറച്ചെന്തെങ്കിലും ഓർത്തുവെച്ചാൽ മതി.കൂടുതലും സംസാരിക്കുന്നത് മോഡറേറ്റർ ശ്രീകണ്ഠൻ നായരായിരിക്കും’- സദസ്സ് ചിരിയിൽ മുങ്ങി.
Content Highlights: Producer G. Suresh Kumar, Priyadarshan & Maniyanpilla Raju discuss `Team Trivandrum` in cinema. Expect laughs & insights!
Published: 02 Feb 2026, 08:08 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented