കേരളത്തിലെ മിക്ക വിദ്യാലയങ്ങളിലും ആണ്കുട്ടികള്ക്ക് വേഷം പാന്റും ഷര്ട്ടുമാണ്. പെണ്കുട്ടികള്ക്കാണെങ്കില് പാവാടയും ടോപ്പും. ഇപ്പോള് പെണ്കുട്ടികളുടെ കൂടെ സൗകര്യം കണക്കിലെടുത്ത് അവര്ക്ക് ചുരിദാര് വേഷമായി നല്കുന്നുണ്ട്. പക്ഷെ ജെന്ഡര് ന്യൂട്രല് കാഴ്ച്ചപ്പാടിലൂടെ നോക്കുകയാണെങ്കില് യൂണിഫോമില് ആണ്കുട്ടികളനുഭവിക്കുന്ന സ്വാതന്ത്ര്യം പെണ്കുട്ടികള്ക്ക് ലഭിക്കുന്നുണ്ടോ എന്നതിനെ കുറിച്ച് മലയാളീ സമൂഹം ഇനിയും ചര്ച്ച ചെയ്തു തുടങ്ങിയിട്ടില്ല.
ധരിച്ച മഹാരാഷ്ട്ര സർക്കാർ സ്കൂളിലെ കുട്ടികൾ | PTI
സ്വാതന്ത്ര്യത്തോടെ ഓടിയും കളിച്ചും നടക്കേണ്ട പ്രായത്തില് കാലില് നിന്ന് തെന്നിമാറുന്ന പാവാട പെണ്കുട്ടികള്ക്കെന്നും ബാധ്യത തന്നെയാണ്. അതിനു പകരമായി പാവാടക്കടിയിൽ പാന്റിടീപ്പിച്ച് വേഷം കെട്ടിക്കുകയാണ് ചില സ്കൂളുകൾ. ഇന്ത്യയിലെ വിവിധ സ്കൂളുകളിൽ ഈ രീതി പിന്തുടരുന്നുണ്ട്. എന്നാല് ചുരിദാര് വന്നതോടെ ചില പെണ്കുട്ടികളെങ്കിലും ആ സ്വാതന്ത്ര്യം അനുഭവിച്ചിരുന്നിരിക്കണം.
പക്ഷെ നിശ്ചിത രീതിയില് ഷാള് ധരിക്കണം, അതല്ലെങ്കില് ചുരിദാറിനു പുറത്ത് കോട്ടിടണം ഇതൊന്നുമല്ലെങ്കില് സ്ലിറ്റിന്റെ നീളം എത്തരത്തിലാവണം എന്നെല്ലാമുള്ള സര്ക്കുലറിറക്കി പെണ്കുട്ടികളില് ശരീരത്തെ കുറിച്ചുള്ള അപകര്ഷതാ ബോധം സൃഷ്ടിക്കുകയാണ് വിദ്യാലങ്ങളും വിദ്യാഭ്യാസ സംവിധാനകളും അധ്യാപകരുമടക്കമുള്ളവര് കാലാകാലങ്ങളായി ചെയ്യുന്നത്. ഇതിനൊരു പരിഹാരമായി കേരളത്തിലെ വിദ്യാലയങ്ങളില് ജെന്ഡര് ന്യൂട്രല് ആയുള്ള വസ്ത്രധാറണം എന്ത്കൊണ്ട് നമുക്കാലോചിച്ചു കൂട. അത്തരമൊരു ചര്ച്ചക്ക് തുടക്കമിടുകയാണ് മാതൃഭൂമി ഡോട്ട്കോം. ചില വിദഗ്ധരുടെ പ്രതികരണങ്ങളിലേക്ക്.
"ആണ്കുട്ടികള്ക്ക് ഒരു വസ്ത്രം പെണ്കുട്ടികള്ക്ക് വ്യത്യസ്ത വസ്ത്രമെന്ന സമ്പ്രദായം അവസാനിപ്പിക്കണം. ആണ്കുട്ടികള്ക്ക് പാന്റ് നല്കുമ്പോള് പെണ്കുട്ടികള്ക്ക് സ്കേര്ട്ടാണ്. ഇതില് എവിടെയാണ് സ്വാതന്ത്ര്യം. നമ്മുടെ കാലാവസ്ഥയ്ക്ക് അനുകൂലമായ രീതിയിലുള്ള യൂണിഫോം രീതിയാണ് ഇവിടെ അവലംബിക്കേണ്ടത്. എഞ്ചീനിയറിങ് വിദ്യാര്ത്ഥികള്ക്ക് പലയിടങ്ങളിലും ഒരേ രീതിയിലുള്ള യൂണിഫോം പാറ്റേണാണ്. ആണ്കുട്ടികള്ക്കും പെണ്കുട്ടികള്ക്കും ഒരേ രീതിയിലുള്ള യൂണിഫോമാക്കുന്നത് അവര്ക്കിടയില് തങ്ങള് ഒന്നാണെന്ന് ധാരണ വളര്ത്തിയെടുക്കും. ഒരേ യൂണിഫോമാക്കുന്നത് ലിംഗസമത്വത്തിലേക്കും വഴിവെയ്ക്കും."
സുജ സൂസന് ജോര്ജ്, മലയാളം മിഷന് ഡയറക്ടര്
"ജെന്ഡര് ന്യൂട്രല് എന്നൊരു പദപ്രയോഗമല്ല യഥാര്ത്ഥ്യത്തില് ആവശ്യം. എല്ലാകാര്യത്തിലും ഈ സമത്വം
ഡോ.ജയശ്രീ, പരിയാരം മെഡിക്കല് കോളേജ് കമ്മ്യൂണിറ്റി വിഭാഗം
പ്രൊഫസ്സര്
"സ്കൂൾ യൂണിഫോമുകളിൽ ജെൻഡർ ന്യൂട്രലായുള്ള വസ്ത്രം വരേണ്ട കാലം എന്നേ കടന്നു. കാലാവസ്ഥയ്ക്ക് അനുകൂലമായ വസ്ത്രധാരണ ശൈലി വേണം സ്കൂളുകള് അവലംബിക്കാന്. ചൂട് കാലത്ത് ടൈറ്റ് ആയിട്ടുള്ള വസ്ത്രങ്ങള് പൂര്ണമായും ഒഴിവാക്കണം. ഇല്ലെങ്കില് ചൂട് കാലത്ത് അനുഭവിക്കുക സ്കൂള് കുട്ടികളാകും. ടൈറ്റായിട്ടുള്ള വസ്ത്രങ്ങള് കുട്ടികളെ വളരെ വേഗത്തില് ക്ഷീണിതരാക്കും. കോട്ടണ് വസ്ത്രങ്ങളാക്കുന്നത് ഒരു പരിധി വരെ കുട്ടികള്ക്ക് ആശ്വാസകരമാകും. കുട്ടികള് നാളെയുടെ വാഗ്ദാനങ്ങളാണ്. "
ശീതള് ശ്യാം ട്രാന്സ്ജെന്ഡര് ആക്ടിവിസ്റ്റ്
ഗീത.ആര്
മുന് പ്രധാനധ്യാപിക, അയിരൂര് ഗവ.ഹയര്സെക്കന്ഡറി സ്കൂള്
"സ്കൂളുകളാണ് ഏത് തരത്തിലുള്ള യൂണിഫോം രീതി കുട്ടികള് അവലംബിക്കണമെന്നത് സംബന്ധിച്ച്
നിലവില് ഷാളിന് പകരമായി ചിലയിടങ്ങളില് ഓവര്കോട്ട് നല്കാറുണ്ട്. ഹയര്സെക്കന്ഡറി സ്കൂളുകളില് മാത്രമാണ് പെണ്കുട്ടികള്ക്കും ആണ്കുട്ടികള്ക്കും ഒരേ തരത്തിലുള്ള യൂണിഫോമാക്കിയിരിക്കുന്നത്. ഓരോ സ്കൂളുകളിലും കമ്മിറ്റി കൂടിച്ചേര്ന്നിട്ടാണ് യൂണിഫോമിന്റെ കാര്യത്തില് തീരുമാനമെടുക്കുന്നത്. നിലവില് രണ്ട് കാലാവസ്ഥയിലും യോജിക്കുന്ന തരത്തിലാണ് സര്ക്കാര് സ്കൂളുകളില് യൂണിഫോം. "
ജയലക്ഷ്മി, പ്രധാനധ്യാപിക
അയ്യന്തോള് ഗവ.ഹൈസ്കൂള്
"സ്കൂളുകളില് മറ്റും രണ്ട് വര്ഷമൊക്കെ കൂടുമ്പോഴാണ് യൂണിഫോമില് മാറ്റങ്ങള് കൊണ്ടുവരുന്നത്. സര്ക്കാര് സ്കൂളുകളില് മാത്രമല്ല, പ്രൈവറ്റ് സ്കൂളുകളിലും ഇത് തന്നെയാണ് അവസ്ഥ. കുട്ടികള്ക്ക് താത്പര്യമുള്ള തരത്തിലുള്ള വസ്ത്രങ്ങളാണ് യൂണിഫോമായി നല്കുന്നത്. സ്കൂളുകളിലും മറ്റും മാനേജ്മെന്റ് നിരന്തരം ചര്ച്ച നടത്തിയാണ് ഇത്തരം വിഷയത്തില് തീരുമാനങ്ങളെടുക്കുന്നത്. സര്ക്കാര് സ്കൂളുകളിലെ മാത്രം കഥയല്ലിത്. പ്രൈവറ്റ് സ്കൂളുകളിലും ഇത്തരത്തിലാണ് തീരുമാനങ്ങളെടുക്കുന്നത്".
അധ്യാപകരുടെ വസ്ത്രധാരണ സ്വാതന്ത്ര്യത്തെ കുറിച്ച് ചർച്ചകൾ നടക്കുമ്പോഴും ജെൻഡർ ന്യൂട്രലല്ലാത്ത സ്കൂൾ യൂണിഫോമുകൾ ചർച്ചയാകുന്നേയില്ല. സി.ബി.എസ്.ഇ, ഐ.സി.എസ്.ഇ സ്കൂളുകള് മറ്റ് സ്കൂളുകളുമായിട്ടുള്ള മത്സരബുദ്ധി നിലനിര്ത്തി പോകുന്നത് മൂലം വലയുന്നത് കുട്ടികളാണ്. അന്താരാഷ്ട്ര നിലവാരത്തിലാണ് ഈ സ്കൂളുകളുടെ യൂണിഫോം. ഇത്തരത്തിലുള്ള പല യൂണിഫോമുകളും നമ്മുടെ നാട്ടിലെ കാലാവസ്ഥയ്ക്ക് അനുയോജ്യമല്ല. മാറ്റങ്ങള് ഒട്ടേറെ വേണ്ടതും എന്നാല് മാറ്റങ്ങള് ഇതുവരെ എത്തപ്പെടാത്തതുമായ മേഖലയാണ് സ്കൂള് കുട്ടികളുടെ യൂണിഫോം. ജെൻഡർ ന്യൂട്രലായ യൂണിഫോമുകളെ കുറിച്ചുള്ള ചർച്ച ഉയരുമ്പോൾ തന്നെ ഉയരേണ്ടതാണ് കാലാവസ്ഥയ്ക്കനുയോജ്യമായ യൂണിഫോമുകളും. നടക്കാവ് സർക്കാർ സ്കൂൾ അന്താരാഷ്ട്ര നിലവാരത്തിലേക്ക് മാറുമ്പോൾ അവിടത്തെ യൂണിഫോം കുട്ടികൾക്ക് പലപ്പോഴും ബാധ്യതയാണ്. വേനൽക്കാലങ്ങളിലെ കൊടും ചൂടിൽ ബ്ലെയ്സറുകൾ ധരിക്കേണ്ടത് കുട്ടികളുടെ ആരോഗ്യത്തെ തന്നെ സാരമായി ബാധിക്കുന്നുണ്ട്. ഇതും ചർച്ചയാവേണ്ടതുണ്ട്.
Content Highlights: gender neutral uniform; uniform inequality in schools
Published: 07 Nov 2021, 05:14 pm IST
ABOUT THE AUTHOR
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented