ജിദ്ദ: ഹജ്ജ് സീസണ് മുന്നോടിയായി സൗദി നാഷണല് വാട്ടര് കമ്പനി മക്കയിലും പുണ്യസ്ഥലങ്ങളിലും 400 മില്യണ് റിയാല് ചിലവിട്ട് 18 അടിസ്ഥാന സൗകര്യങ്ങളും പ്രവര്ത്തന പദ്ധതികളും പൂര്ത്തിയാക്കിയതായി അധികൃതര്.
ഹജ്ജ് വേളയില് താമസക്കാര്ക്കും സന്ദര്ശകര്ക്കും പ്രതീക്ഷിക്കുന്ന ദശലക്ഷക്കണക്കിന് ഹജ്ജ് തീര്ത്ഥാടകര്ക്കും ജല, പരിസ്ഥിതി സേവനങ്ങള് ശുദ്ധീകരിക്കുന്നതിനുള്ള ശ്രമങ്ങളുടെ ഭാഗമാണ് പ്രവര്ത്തന പദ്ധതികള് നടപ്പാക്കിയത്.
നവീകരണ ജോലികള് പ്രവര്ത്തന കാര്യക്ഷമത വര്ധിപ്പിക്കുകയും നെറ്റ്വര്ക്ക് കവറേജ് വികസിപ്പിക്കുകയും തത്സമയ നിരീക്ഷണ ശേഷി വര്ധിപ്പിക്കുകയും ചെയ്യുന്നതിന് സഹായകമായിട്ടുണ്ട്. 1,90,000 ക്യുബിക് മീറ്റര് സ്റ്റീല് വാട്ടര് ടാങ്കിന്റെ നിര്മ്മാണം, ജലസംഭരണ സൗകര്യങ്ങള്, പ്രധാന പൈപ്പ്ലൈനുകള്, വാല്വ് റൂമുകള്, വിതരണ ശൃംഖലകള് എന്നിവയുടെ വികസനവും പുനരുദ്ധാരണ പ്രവര്ത്തനങ്ങളുമാണ് നടത്തിയത്. പ്രത്യേകിച്ച് ഹജ്ജിന്റെ തിരക്കേറിയ സമയങ്ങളില് തുടര്ച്ചയായ ജല വിതരണം സാധ്യമാക്കുന്നതിനാണ് ശ്രമങ്ങള് നടത്തിയിട്ടുള്ളത്.
പ്രഷര് ഗേജുകള്, മീറ്ററുകള്, നെറ്റ്വര്ക്ക് സെന്സറുകള് തുടങ്ങിയ നൂതന നിരീക്ഷണ സംവിധാനങ്ങള് സ്ഥാപിച്ചത് തുടങ്ങിയവ നടപ്പാക്കിയ നവീകരണ പ്രവര്ത്തനങ്ങളില് ഉള്പ്പെടുന്നു. വെള്ളം, മലിനജലം, ഫയര്, കൂളിംഗ് സിസ്റ്റങ്ങള് എന്നിവയിലെ പമ്പുകളും ഐസൊലേഷന് വാല്വുകളും പ്രകടനം വര്ദ്ധിപ്പിക്കുന്നതിനായി നവീകരിച്ചിട്ടുണ്ട്.
ഹജ്ജ് സീസണിലെ പ്രവര്ത്തനങ്ങള്ക്ക് മേല്നോട്ടം വഹിക്കുന്നതിനും തടസ്സമില്ലാത്ത ജലവിതരണ സേവനം നിലനിര്ത്തുന്നതിനുമായി 1,200 ലധികം സാങ്കേതിക, എഞ്ചിനീയറിംഗ്, അഡ്മിനിസ്ട്രേറ്റീവ് ജീവനക്കാരെ നിയോഗിച്ചിട്ടുണ്ട്. പ്രവാചക പള്ളിയിലേക്കും മദീനയിലെ പ്രധാന മതപരവും ചരിത്രപരവുമായ മറ്റ് സ്ഥലങ്ങളിലേക്കും 24 മണിക്കൂറും തടസ്സമില്ലാതെ ജലവിതരണം സാധ്യമാക്കുമെന്ന് കമ്പനി അറിയിച്ചു.
ജലത്തിന്റെ ഗുണനിലവാരം സംരക്ഷിക്കുന്നതിനായി എല്ലാ സംഭരണ യൂണിറ്റുകളും തീര്ത്ഥാടന കേന്ദ്രങ്ങളിലേക്കുള്ള കണക്ഷനുകളും പരിശോധനയ്ക്ക് വിധേയമായിരിക്കും. പ്രതിദിനം ആയിരത്തിലധികം ജല സാമ്പിളുകള് വിശകലനം ചെയ്യാന് കഴിയുന്ന സെന്ട്രല്, മൊബൈല് ലബോറട്ടറികളിലെ ടീമുകള് വഴിയാണ് നിരീക്ഷണം നടത്തുന്നത്.
മദീനയുടെ മധ്യഭാഗത്തുള്ള ജല വിതരണം സൂപ്പര്വൈസറി കണ്ട്രോള് ആന്ഡ് ഡാറ്റ അക്വിസിഷന് മോണിറ്ററിംഗ് ആന്ഡ് കണ്ട്രോള് റൂമുമായി ബന്ധിപ്പിച്ചിട്ടുള്ള ഒരു സ്മാര്ട്ട് ഓപ്പറേഷന് സിസ്റ്റം ഉപയോഗിച്ച് നിയന്ത്രിക്കും. ഇത് ഹജ്ജ് സീസണിലുടനീളം തത്സമയ മേല്നോട്ടം സാധ്യമാക്കുകയും ചെയ്യും.
Content Highlights: Saudi Water Upgrades for Hajj 2024
Published: 21 May 2025, 03:16 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented