ജിദ്ദ: അബ്ർഹൂർ അൽ-ജനൂബിയ (ദക്ഷിണ അബ്ഹർ) മേഖലയിലെ നിർമാണത്തിലിരുന്ന ഒരു കെട്ടിടത്തിൽ ഉണ്ടായ തീപിടിത്തം ജിദ്ദ സിവിൽ ഡിഫൻസ് സംഘം നിയന്ത്രണവിധേയമാക്കി. നിർമാണ സ്ഥലത്ത് നടന്നുകൊണ്ടിരുന്ന ഇരുമ്പ് മുറിക്കുന്ന ജോലിക്കിടെ ഉണ്ടായ തീപ്പൊരിയാണ് തീപിടിത്തത്തിന് കാരണമായതെന്ന് അധികൃതർ അറിയിച്ചു.

To advertise here,

സംഭവത്തിൽ തൊഴിലാളികൾക്കോ പൊതുജനങ്ങൾക്കോ പരിക്കുകളൊന്നും ഉണ്ടായിട്ടില്ല. സ്ഥലത്തെത്തിയ സിവിൽ ഡിഫൻസ് സംഘം അതിവേഗം തീ നിയന്ത്രണവിധേയമാക്കി പൂർണമായും അണച്ചതായി ബന്ധപ്പെട്ട അധികൃതർ അറിയിച്ചു.

നിർമാണ സ്ഥലങ്ങളിൽ നടക്കുന്ന വെൽഡിങ്, ഇരുമ്പ് മുറിക്കൽ തുടങ്ങിയ ജോലികളിൽ നിന്നുണ്ടാകുന്ന ഉയർന്ന താപനിലയുള്ള തീപ്പൊരികൾ സമീപത്തുള്ള കത്തിപ്പിടിക്കാൻ സാധ്യതയുള്ള വസ്തുക്കളിൽ തീപിടിത്തമുണ്ടാക്കാൻ ഇടയാക്കുന്ന പ്രധാന കാരണങ്ങളിലൊന്നാണെന്നും അധികൃതർ മുന്നറിയിപ്പ് നൽകി.