പുണെ : വ്യത്യസ്ത സംസ്കാരങ്ങളെ സ്വാഗതംചെയ്യുകയും ആദരിക്കുകയും അവയെ ഉൾക്കൊള്ളുകയും ചെയ്യുന്നതിലാണ് ഇന്ത്യയുടെ ശക്തിയെന്ന് ഉപരാഷ്ട്രപതി സി.പി. രാധാകൃഷ്ണൻ പറഞ്ഞു.
പുണെയിലെ സിംബയോസിസ് അന്താരാഷ്ട്ര കല്പിത സർവകലാശാലയുടെ 23-ാമത് ബിരുദദാനച്ചടങ്ങിൽ സംസാരിക്കുകയായിരുന്നു അദ്ദേഹം.
വിവിധ രാജ്യങ്ങളിൽനിന്നുള്ള വിദ്യാർഥികൾ ബിരുദങ്ങൾ ഏറ്റുവാങ്ങുകയും ഇന്ത്യൻ ആതിഥ്യമര്യാദയുടെയും സംസ്കാരത്തിന്റെയും മധുരസ്മരണകളുമായി മടങ്ങുകയുംചെയ്യുന്ന ഈ സന്ദർഭം ഏറെ സന്തോഷകരമാണെന്ന് അദ്ദേഹം പറഞ്ഞു.
അന്താരാഷ്ട്ര ധാരണ, അക്കാദമിക മികവ്, എല്ലാവരെയും ഉൾക്കൊള്ളുന്ന വിദ്യാഭ്യാസം എന്നിവയോടുള്ള ഇന്ത്യയുടെ പ്രതിബദ്ധതയുടെ സജീവപ്രതീകമായി സിംബയോസിസ് സർവകലാശാല കാലക്രമേണ വളർന്നുവന്നിട്ടുണ്ടെന്നും അദ്ദേഹം ചൂണ്ടിക്കാട്ടി.
മഹാരാഷ്ട്ര ഗവർണർ ജിഷ്ണു ദേവ് വർമ, ഉന്നത -സാങ്കേതിക വിദ്യാഭ്യാസ മന്ത്രി ചന്ദ്രകാന്ത് പാട്ടീൽ എന്നിവരും ചടങ്ങിൽ പങ്കെടുത്തു.
Published: 21 Nov 2026, 11:41 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented