രണ്ടുദിവസത്തെ മുംബൈ ബ്രഹ്മസ്ഥാന മഹോത്സവത്തിന് ഭക്തിനിർഭര തുടക്കം
മുംബൈ : മാതാ അമൃതാനന്ദമയിയുടെ ദിവ്യസാന്നിധ്യത്തിൽ നവി മുംബൈയിലെ നെരൂൾ ബ്രഹ്മസ്ഥാന മഹോത്സവത്തിന് തിരിതെളിഞ്ഞു. പ്രകൃതിയോടും സഹജീവികളായ മനുഷ്യരോടും മറ്റു ജീവജാലങ്ങളോടുമുള്ള നമ്മുടെ ധർമം നിറവേറ്റു ന്നതിനെയാണ് നല്ല കർമങ്ങൾ എന്ന് പറയുന്നതെന്ന് അമ്മ അനുഗ്രഹപ്രഭാഷണത്തിൽ പറഞ്ഞു.
സൃഷ്ടിയുടെ ആരംഭംമുതൽക്കുതന്നെ പ്രകൃതി, അല്ലെങ്കിൽ ഈശ്വരശക്തി നമ്മളെ പല നല്ലകാര്യങ്ങളും പഠിപ്പിക്കാൻ തുടങ്ങിയതാണ്.
അവയൊക്കെ നമ്മൾ വേണ്ടവണ്ണം പഠിച്ചിരുന്നെങ്കിൽ ഇന്നു മനുഷ്യൻ നേരിടുന്ന പല സങ്കീർണങ്ങളായ പ്രശ്നങ്ങളും ഒഴിവാക്കാമായിരുന്നെന്നും അമ്മ പറഞ്ഞു. മഹോത്സവത്തിന്റെ ആദ്യദിനത്തിൽ രാവിലെ 11 -ഓടെ യജ്ഞവേദിയിൽ എത്തിയ അമ്മയെ വിശിഷ്ട വ്യക്തികളായി ചടങ്ങിൽ പങ്കെടുത്ത മഹാരാഷ്ട്ര ഗവർണർ ജിഷ്ണു ദേവ് വർമ, ബേലാപ്പൂർ എം.എൽ.എ. മന്ദാതായ് മാത്രേ, ഭോലാനാഥ് പെഹൽ ഫൗണ്ടേഷൻ ഡയറക്ടർ അങ്കുഷ് ഭരദ്വാജ്, വൈശാലി മേനോൻ തുടങ്ങിവർ ഹാരാർപ്പണം ചെയ്തു. ബ്രഹ്മസ്ഥാന മഹോത്സവത്തിന്റെ സ്മരണികപ്രകാശനവും അമൃത ശ്രീ അംഗങ്ങൾക്കുള്ള സഹായധനവും സാരി വിതരണവും ചടങ്ങിൽ നടന്നു. തുടർന്ന് അമ്മയുടെ നേതൃത്വത്തിൽ ഭജന, ധ്യാനം ദർശനം എന്നിവയും നടന്നു. എല്ലാവർക്കും അമ്മ ദർശനവും നൽകി. രണ്ടുദിവസം നീണ്ടുനിൽക്കുന്ന മഹോത്സവത്തിൽ ആയിരങ്ങളാണ് പങ്കെടുത്തത്. മഹോത്സവത്തിന്റെ ഭാഗമായി വിശേഷാൽപൂജകളും നടന്നു. അമലഭാരതം പദ്ധതിയുടെ ഭാഗമായി യജ്ഞവേദിയും പരിസരവും ശുചിയാക്കി.
Published: 18 Nov 2026, 11:54 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented