വാഷിങ്ടണ്: യുഎസ് പ്രസിഡന്റ് ഡൊണാള്ഡ് ട്രംപുമായുള്ള കൂടിക്കാഴ്ചയില് വ്യവസായി ഗൗതം അദാനിക്കെതിരെ യുഎസ് സര്ക്കാര് ഉന്നയിച്ച കോഴ ആരോപണങ്ങളെക്കുറിച്ച് ചര്ച്ചചെയ്തിട്ടില്ലെന്ന് പ്രധാനമന്ത്രി നരേന്ദ്ര മോദി. ഗൗതം അദാനിക്കെതിരെയുള്ള ആരോപണങ്ങളെല്ലാം വ്യക്തിപരമായ കാര്യങ്ങളാണ്. രണ്ട് രാജ്യങ്ങളിലെ രണ്ട് നേതാക്കള് അത്തരം വ്യക്തിപരമായ കാര്യങ്ങളില് ഒന്നുംതന്നെ ചര്ച്ചചെയ്യില്ല, മോദി പറഞ്ഞു.
ട്രംപ്-മോദി കൂടിക്കാഴ്ചക്ക് ശേഷം നടന്ന സംയുക്ത പത്രസമ്മേളനത്തില് സംസാരിക്കുകയായിരുന്നു പ്രധാനമന്ത്രി. അദാനി വിഷയത്തില് ഡൊണാള്ഡ് ട്രംപ് പരാമര്ശങ്ങളൊന്നുംതന്നെ നടത്തിയില്ല. ട്രംപിന്റെ വിജയത്തെ അഭിനന്ദിച്ച് കോടിക്കണക്കിന് ഡോളറിന്റെ നിക്ഷേപം വാഗ്ദാനം ചെയ്തതിന് പിന്നാലെയാണ് അദാനി ഗ്രൂപ്പ് മേധാവി ഗൗതം അദാനിക്കെതിരെ യുഎസില് കൈക്കൂലി, തട്ടിപ്പ് കേസുകളില് കുറ്റപത്രം തയ്യാറാക്കിയത്.
ഗൗതം അദാനി ഉള്പ്പടെയുള്ള ഏഴ് പേര്ക്കെതിരെയാണ് കുറ്റാരോപണം. റിപ്പോര്ട്ടുകള് പുറത്തുവന്നതോടെ അദാനി ഗ്രൂപ്പ് കമ്പനികളുടെ ഓഹരികള് 20 ശതമാനംവരെ തകര്ച്ച നേരിട്ടിരുന്നു.
Content Highlights: Modi said he did not discussed about allegations against Adani with Trump
Published: 14 Feb 2025, 01:22 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented