സുലൈമാനിയ: പ്രത്യേക കുര്‍ദിസ്താനുവേണ്ടി തുര്‍ക്കിയോട് നടത്തിയിരുന്ന സായുധപോരാട്ടം അവസാനിപ്പിക്കുകയാണെന്നു പ്രഖ്യാപിച്ച് രണ്ടുമാസത്തിനുശേഷം ആയുധങ്ങള്‍ അഗ്‌നിക്കിരയാക്കി കുര്‍ദിസ്താന്‍ വര്‍ക്കേഴ്‌സ് പാര്‍ട്ടിയംഗങ്ങള്‍ (പികെകെ).
ഇറാഖി കുര്‍ദിസ്താനിലെ കസീനിലുള്ള ഗുഹയ്ക്കു പുറത്ത് 30 പികെകെ പോരാളികള്‍ ആയുധങ്ങള്‍ ഉപേക്ഷിച്ചു. ഇതുകാണാന്‍ മൂന്നൂറോളം പേരെത്തിയിരുന്നു. ജയിലില്‍ക്കഴിയുന്ന പികെകെ സ്ഥാപകനേതാവ് അബ്ദുള്ള ഒചലനും തുര്‍ക്കി സര്‍ക്കാരും മധ്യസ്ഥര്‍വഴി മാസങ്ങളായി നടത്തിയ ചര്‍ച്ചയുടെ ഫലമാണിത്. പികെകെ ആയുധമുപേക്ഷിക്കണമെന്ന് ഫെബ്രുവരി 27-ന് ഒചലന്‍ ആഹ്വാനം ചെയ്തിരുന്നു. അതനുസരിച്ച് മേയ് 12-ന് ഔദ്യോഗികമായി പിരിച്ചുവിടുകയാണെന്ന് പികെകെ പ്രഖ്യാപിച്ചു. കുര്‍ദുകളുടെ അവകാശത്തിനും സ്വതന്ത്ര കുര്‍ദിസ്താനും വേണ്ടി 1984-ലാണ് പികെകെ ആയുധമെടുത്തത്. പോരാട്ടത്തില്‍ നാല്‍പ്പതിനായിരത്തിലേറെപ്പേര്‍ മരിച്ചു.
സംഘടനാസ്ഥാപകനായ ഒചലന്‍ 26 വര്‍ഷമായി ജയിലിലാണ്. അയുധമുപേക്ഷിച്ച പികെകെ, കുര്‍ദുകളുടെ അവകാശത്തിനായി ജനാധിപത്യമാര്‍ഗം തേടുമെന്ന് അറിയിച്ചു.
Content Highlights: Kurdistan Workers Party (PKK) officially disarmed after decades of fighting for Kurdish autonomy
Published: 12 Jul 2025, 06:46 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented