കാലിഫോർണിയ: ജെൻസൺ ഹുവാങിനെ കമ്പനിയിൽ തിരിച്ചെടുക്കണമെന്ന ആവശ്യവുമായി എൻവിഡിയ ജീവനക്കാർ രംഗത്ത്. ചാരപ്രവർത്തനവുമായി ബന്ധപ്പെട്ട ആരോപണത്തിൽ എൻവിഡിയ സിഇഒ സ്ഥാനത്തുനിന്ന് ജെൻസൻ ഹുവാങ് രാജിവെച്ചതിനു പിന്നാലെയാണ് കമ്പനിയിലെ ജീവനക്കാർ പിന്തുണയുമായെത്തിയത്. മൂന്ന് പതിറ്റാണ്ടിലേറെ കമ്പനിയെ നയിച്ച ഹുവാങ്ങിനെ തിരിച്ചുകൊണ്ടുവരണമെന്നാണ് ആവശ്യം.

To advertise here,

ഹുവാങ്ങിന്റെ കാര്യത്തിൽ തീരുമാനമെടുക്കുന്നതിന് മുമ്പ് ജീവനക്കാരുടെ അഭിപ്രായം കേൾക്കണമായിരുന്നെന്നും വ്യക്തിബന്ധങ്ങളുമായി ബന്ധപ്പെട്ട ആരോപണങ്ങളിൽ അന്വേഷണം പൂർത്തിയാകുന്നതിനു മുമ്പ് അദ്ദേഹം സ്ഥാനമൊഴിഞ്ഞതെന്തിനാണെന്നും അടക്കം ഒട്ടേറെ കാര്യങ്ങളിൽ ജീവനക്കാർ വ്യക്തത ആവശ്യപ്പെടുന്നുണ്ട്.

'ബോസിനെ തിരിച്ചുകൊണ്ടുവരൂ' എന്ന് കമ്പനിയുടെ തൊഴിൽ സംബന്ധിയായ സൈറ്റിൽ ഒരു ജീവനക്കാരൻ കമന്റിട്ടു. മനുഷ്യർക്ക് പിഴവുകൾ സംഭവിക്കാം- ഹുവാങ് കമ്പനിക്കായി ഒരുപാട് നല്ല കാര്യങ്ങൾ ചെയ്തിട്ടുണ്ടെന്നും അദ്ദേഹത്തിന് വീണ്ടും അവസരം നൽകണമെന്നും മറ്റൊരു ജീവനക്കാരൻ പറഞ്ഞു. നേതൃത്വമാറ്റത്തിൽ കമ്പനിയിലെ ഒരു വിഭാഗത്തിനുള്ള അതൃപ്തിയാണ് പ്രതികരണങ്ങളിൽ കാണുന്നത്. രാജിക്ക് ശേഷം ഇരുപതോളം ജീവനക്കാർ ലിങ്ക്ഡ്ഇനിലും ഹുവാങ്ങിന് പിന്തുണയറിയിച്ചു.

ചീഫ് ഫിനാൻഷ്യൽ ഓഫീസറായ കൊലെറ്റ് ക്രെസിനെ ഇടക്കാല സിഇഒയായി നിയമിച്ചിട്ടുണ്ട്. പുതിയ ഒരാളെ നിയമിക്കുന്നതുവരെ സിഇഒ ചുമതലകൾക്കൊപ്പം സിഎഫ്ഒ സ്ഥാനവും ക്രെസ് വഹിക്കും. കമ്പനിക്കുള്ളിൽനിന്നും പുറത്തുനിന്നുമുള്ളവരെ സ്ഥാനത്തേക്ക് പരിഗണിക്കുമെന്ന് ബോർഡ് അറിയിച്ചിട്ടുണ്ട്. ഹുവാങ്ങുമായി അടുത്ത ബന്ധമുള്ളവരാണ് ബോർഡിലെ ഭൂരിഭാഗം അംഗങ്ങളും. എന്നാൽ, രാജിതീരുമാനം പുനഃപരിശോധിക്കാൻ ബോർഡ് ആലോചിക്കുന്നതായി വിവരങ്ങൾ ലഭിച്ചിട്ടില്ല. ഹുവാങ്ങിന്റെ വിടവാങ്ങൽ ജീവനക്കാരിലെ ഒരു വിഭാഗത്തിന് ഇപ്പോഴും അംഗീകരിക്കാനായിട്ടില്ലെന്നാണ് പ്രതികരണങ്ങളിലൂടെ വ്യക്തമാകുന്നത്.