
ലാ പാസ് : മാർക്സിസ്റ്റ് വിപ്ലവനേതാവ് ഏണെസ്റ്റോ ചെ ഗുവേരയെ വെടിവെച്ചുകൊന്നെന്ന് കരുതുന്ന മുൻ ബൊളീവിയൻ പട്ടാളക്കാരൻ മരിയോ ടെറാൻ സലാസർ (80) അന്തരിച്ചു. ഏറെനാളായി ചികിത്സയിലായിരുന്നു. 30 വർഷത്തെ സൈനികസേവനത്തിനുശേഷം വിരമിച്ച അദ്ദേഹം പിന്നീട് മാധ്യമങ്ങളിൽ നിന്നെല്ലാം അകന്നുകഴിയുകയായിരുന്നു.
ശീതയുദ്ധം കത്തിനിൽക്കുന്നതിനിടെ 1967 ഒക്ടോബർ ഒൻപതിന് ബൊളീവിയയിലെ കിഴക്കൻ സാന്റാക്രൂസ് പ്രവിശ്യയിലാണ് ചെ ഗുവേര കൊല്ലപ്പെടുന്നത്. രണ്ട് ക്യൂബൻ അമേരിക്കൻ സി.ഐ.എ. ഏജന്റുമാരുടെ സഹായത്തോടെ ബൊളീവിയൻ സൈന്യം ഒക്ടോബർ എട്ടിന് ചെയെ പിടികൂടി. പട്ടിണിയും രോഗവും വകവെക്കാതെ സൈന്യത്തിനെതിരായ ഒളിപ്പോർ സംഘത്തിന് നേതൃത്വം നൽകുകയായിരുന്നു അപ്പോഴദ്ദേഹം.
തന്റെ ജീവിതത്തിലെ ഏറ്റവും മോശം നിമിഷമെന്നാണ് ചെയുടെ വധത്തെപ്പറ്റി ടെറാൻ പിന്നീട് പറഞ്ഞത്. ‘ആ നിമിഷം ചെയുടെ കണ്ണുകൾ തീവ്രമായി തിളങ്ങുന്നുണ്ടായിരുന്നു. ശാന്തനായിരിക്കാനും നന്നായി ഉന്നംവെക്കാനും ചെ എന്നോടു പറഞ്ഞു.
നീ ഒരു മനുഷ്യനെ കൊല്ലാൻ പോകുന്നുവെന്നും. വാതിലിനു സമീപത്തേക്ക് മാറി കണ്ണടച്ച് ഞാൻ വെടിവെച്ചു’- ടെറാൻ പറഞ്ഞു. 39 വയസ്സായിരുന്നു മരിക്കുമ്പോൾ ചെയ്ക്ക്.
Content Highlights: Bolivian Soldier Who Killed Che Guevara Dies At 80
Published: 12 Mar 2022, 07:40 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented