തിരുവനന്തപുരം: ലോക്ക്ഡൗണ് നിയന്ത്രണങ്ങളില് കേരളം ഇളവുവരുത്തിയെന്ന വാദമുണ്ടായിരുന്നുവെന്നും എന്നാല് പൊതുവില് കാര്യങ്ങള് വിലയിരുത്തിയാണ് നിയന്ത്രണങ്ങള് തുടരുന്നതെന്നും മുഖ്യമന്ത്രി പിണറായി വിജയന്. സുരക്ഷ മാനദണ്ഡങ്ങളില് വിട്ടുവീഴ്ച അനുവദിക്കില്ലെന്നും പൊതുഗതാഗതം തല്ക്കാലം ഉണ്ടാകില്ലെന്നും അദ്ദേഹം പറഞ്ഞു.
വ്യവസായ മാനേജ്മെന്റുകള്ക്ക് ആവശ്യത്തിന് ജീവനക്കാരെ എത്തിക്കാന് സുരക്ഷാ മാനദണ്ഡം പാലിച്ച് അനുവദിക്കാം എന്ന് പറഞ്ഞിരുന്നു. അത് തെറ്റിധരിക്കപ്പെട്ടതാണ്. സര്ക്കാര് ഓഫീസുകളുടെ പ്രവര്ത്തനം സുഗമമാക്കാന് അടുത്ത് താമസിക്കുന്നവര്ക്ക് സ്വന്തം വാഹനത്തില് സഞ്ചരിക്കാന് അനുമതി നല്കുന്നുണ്ട്. അത് അടുത്ത ജില്ലയില്നിന്നാണെങ്കിലും അനുവദിക്കാവുന്നതാണെന്നും മുഖ്യമന്ത്രി പറഞ്ഞു.
ലോക്ക്ഡൗണില് ചില ഇളവുകള് പ്രഖ്യാപിച്ചതോടെ വാഹനങ്ങള് ക്രമാതീതമായി നിരത്തിലെത്തിയിട്ടുണ്ടെന്നും വല്ലാതെ തിരക്കുണ്ടായതായി പല കേന്ദ്രങ്ങളില് നിന്നും റിപ്പോര്ട്ടുകള് വന്നുവെന്നും അദ്ദേഹം ചൂണ്ടിക്കാട്ടി. ഇക്കാര്യത്തില് കാര്ക്കശ്യം വേണ്ടിടത്ത് കാണിക്കാന് തന്നെയാണ് തീരുമാനമെന്നും അദ്ദേഹം പറഞ്ഞു.
കൃഷിയുമായി ബന്ധപ്പെട്ട് എല്ലാ കാര്യങ്ങളും നിര്വഹിക്കാന് അനുമതി നല്കിയിട്ടുണ്ട്. റെഡ് സോണ് ജില്ലകളില് അടക്കം എല്ലാ ജീവനക്കാരും ഹാജരാകാന് ബാങ്കുകള് ആവശ്യപ്പെട്ടിരുന്നു. അത് ആവശ്യമായ ജീവനക്കാര് മാത്രം എന്ന നിലയില് ക്രമീകരിക്കാന് ആവശ്യപ്പെടുമെന്നും മുഖ്യമന്ത്രി കൂട്ടിച്ചേര്ത്തു.
മുഖ്യമന്ത്രിയുടെ വാര്ത്താസമ്മേളനത്തിന്റെ കൂടുതല് വിവരങ്ങള്
സംസ്ഥാനത്ത് ആറു പേര്ക്കു കൂടി കോവിഡ്-19 സ്ഥിരീകരിച്ചു; 21 പേര് രോഗമുക്തരായി | Read More...
നേരിയ അശ്രദ്ധ പോലും അപകടത്തിലേക്ക് നയിക്കും: മുഖ്യമന്ത്രി | Read More...
സുരക്ഷ മാനദണ്ഡങ്ങളില് വിട്ടുവീഴ്ച അനുവദിക്കില്ല, പൊതുഗതാഗതമില്ല - മുഖ്യമന്ത്രി | Read More...
പൊന്നാനിയില് ബോട്ടില് കുടുങ്ങിയ തൊഴിലാളികളുടെ കാര്യത്തില് ഇടപെടും - മുഖ്യമന്ത്രി | Read More...
Content Highlights: No compromise on safety standards, no public transportation says Pinarayi Vijayan
Published: 20 Apr 2020, 07:02 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented