കൊല്ലങ്കോട്: മംഗലം-ഗോവിന്ദാപുരം സംസ്ഥാനപാതയിൽ ഗോവിന്ദാപുരം ആർ.ടി.ഒ. ചെക്പോസ്റ്റിന് സമീപം അമ്മയും രണ്ടുകുട്ടികളും സഞ്ചരിച്ച സ്കൂട്ടറിൽ, അതേ ദിശയിൽവന്ന ചരക്കുലോറി ഇടിച്ചുണ്ടായ അപകടത്തിൽ ഏഴുവയസ്സുകാരന് ദാരുണാന്ത്യം.
മുതലമട അടവുമരം പുത്തൻപുരയ്ക്കൽ വീട്ടിൽ വിഷ്ണുവിന്റെയും അനറ്റിന്റെയും മകൻ ശ്രീഹരിയാണ് മരിച്ചത്. ചൊവ്വാഴ്ച വൈകീട്ട് നാലരയോടെയാണ് അപകടം ഉണ്ടായത്. ഗോവിന്ദാപുരം അതിർത്തിക്കപ്പുറം തമിഴ്നാട് പ്രദേശത്തുള്ള ശ്രീ കന്തസ്വാമി സ്കൂളിലെ രണ്ടാംക്ലാസ് വിദ്യാർഥിയാണ് മരിച്ച ശ്രീഹരി. സ്കൂൾവിട്ടശേഷം മൂത്തമകൻ ശ്രീഹരിയേയും ഇളയമകൻ സൈൽ(5)നെയും കൂട്ടി അടവുമരത്തിനടുത്തുള്ള വീട്ടിലേക്ക് അനറ്റ് സ്കൂട്ടറിൽ വരുന്നതിനിടെയാണ് അപകടം ഉണ്ടായത്.
ലോറിയുടെ വശം സ്കൂട്ടറിന്റെ ഹാൻഡിൽ ഭാഗത്ത് ഇടിക്കുകയായിരുന്നുവെന്നാണ് പറയുന്നത്. സ്കൂട്ടറിൽനിന്ന് മൂന്നുപേരും റോഡിലേക്ക് വീണെങ്കിലും പിന്നിലിരുന്ന ശ്രീഹരിയുടെ ദേഹത്തുകൂടെ ലോറിയുടെ പിൻചക്രം കയറുകയായിരുന്നു. സംഭവസ്ഥലത്തുതന്നെ ശ്രീഹരി മരിച്ചു. മൃതദേഹം പാലക്കാട് ജില്ലാ ആശുപത്രി മോർച്ചറിയിലേക്ക് മാറ്റി.
ലോറി ഡ്രൈവർ പൊള്ളാച്ചി സ്വദേശി ഉദയകുമാറിന്റെ (53) പേരിൽ കൊല്ലങ്കോട് പോലീസ് കേസെടുത്തു. നേരത്തേ ചെമ്മണാമ്പതി ഭാഗത്ത് കുറേക്കാലം താമസിച്ചിരുന്ന വിഷ്ണുവും കുടുംബവും അടുത്തകാലത്താണ് ചുള്ളിയാർ ഡാമിനടുത്തുള്ള അടവുമരം ഭാഗത്തേക്ക് താമസം മാറ്റിയിത്.
Content Highlights: A 7-year-old boy named Srihari died in a lorry accident near Govindapuram checkpost., The accident occurred when a goods lorry hit the scooter carrying a mother and her two children., Lorry driver Udayakumar has been booked by Kollengode police.
Published: 18 Nov 2026, 09:08 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented