തൃശ്ശൂർ: ന്യൂനതകളുള്ള മുറി വാടകക്കു നൽകിയെന്നാരോപിച്ച് ഫയൽചെയ്ത ഹർജിയിൽ പരാതിക്കാരന് അനുകൂലവിധി. കോഴിക്കോട് സ്വദേശി അഡ്വ. പി. ചാത്തുക്കുട്ടി ഫയൽചെയ്ത ഹർജിയിലാണ് ഗുരുവായൂർ ദേവസ്വം അഡ്മിനിസ്ട്രേറ്റർക്കെതിരേ വിധിയായത്. 600 രൂപ വാടക നൽകി പരാതിക്കാരൻ ഗുരുവായൂരിലുള്ള പാഞ്ചജന്യം ടൂറിസ്റ്റ് ഹോമിൽ എടുത്ത മുറി താമസയോഗ്യമായിരുന്നില്ലെന്നാണ് പരാതി.
ഭാര്യയ്ക്കും മകൾക്കുമൊപ്പമാണ് മുറിയെടുത്തിരുന്നത്. പരാതി പറഞ്ഞപ്പോൾ മറ്റൊരു മുറി അനുവദിച്ചുനൽകി. എന്നാൽ, ആ മുറിയിലും ഏറെ അസൗകര്യമുണ്ടായിരുന്നു. ഹർജി പരിഗണിച്ച പ്രസിഡന്റ് സി.ടി. സാബു, മെമ്പർമാരായ എസ്. ശ്രീജ, ആർ. റാംമോഹൻ എന്നിവരടങ്ങിയ തൃശ്ശൂർ ഉപഭോക്തൃകോടതി എതിർകക്ഷിയുടെ സേവനത്തിലെ വീഴ്ച വിലയിരുത്തി ഹർജിക്കാരന് നഷ്ടപരിഹാരമായി 15,000 രൂപയും ചെലവിലേക്ക് 5,000 രൂപയും നൽകാൻ വിധിച്ചു. ഹർജിക്കാരനുവേണ്ടി അഡ്വ. എ.ഡി. ബെന്നി ഹാജരായി.
Content Highlights: Thrissur Consumer Court ruled against Guruvayur Devaswom Administrator., Complaint filed regarding uninhabitable room conditions at Panchajanyam Tourist Home
Published: 09 Jun 2026, 01:59 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented