പാലക്കാട്: പട്ടാമ്പി പള്ളിപ്പുറത്തിന് സമീപം ഗുഡ്‌സ് ട്രെയിൻ പാളംതെറ്റി. മംഗളൂരുവിൽനിന്ന് പാലക്കാടേക്ക് പോവുകയായിരുന്ന ഗുഡ്‌സ് ട്രെയിനാണ് പാളംതെറ്റിയത്. ഒരുചക്രം പുറത്തേക്ക് തള്ളുകയായിരുന്നു. പിന്നീട് പാളംതെറ്റിയ ബോഗികൾ തിരിച്ചുകയറ്റി.

To advertise here,

അപകടത്തെത്തുടർന്ന് കോഴിക്കോട്-ഷൊർണൂർ റൂട്ടിൽ ട്രെയിൻ സർവീസുകൾ വൈകി. കോഴിക്കോട്-പാലക്കാട് സ്‌പെഷ്യൽ എക്‌സ്പ്രസ് രണ്ടരമണിക്കൂറോളം വൈകി. മംഗളൂരു-ചെന്നൈ എഗ്മോർ എക്‌സ്പ്രസ്, മുംബൈ എൽടിടി-തിരുവനന്തപുരം നോർത്ത് സൂപ്പർഫാസ്റ്റ് എക്‌സ്പ്രസ്, മംഗളൂരു-ഏറനാട് എക്‌സ്പ്രസ് തുടങ്ങിയ ട്രെയിനുകൾ രണ്ടുമണിക്കൂറോളവും വൈകിയോടുകയാണ്. ചെന്നൈ എഗ്മോർ-മംഗളൂരു എക്‌സ്പ്രസ് ഒരുമണിക്കൂറോളവും വൈകിയാണ് സർവീസ് നടത്തുന്നത്.