വയനാട്: നിരോധനാജ്ഞ ലംഘിച്ച് കുര്ബാന നടത്തിയ വൈദികനും കന്യാസ്ത്രീകളുമടക്കം പത്ത് പേരെ പോലീസ് അറസ്റ്റ് ചെയ്തു. മാനന്തവാടി ചെറ്റപ്പാലം മിഷണറീസ് ഓഫ് ഫെയിത്ത് മൈനര് സെമിനാരിയിലാണ് നിരോധനാജ്ഞ ലംഘിച്ച് പ്രാര്ഥന നടത്തിയത്.
നിരോധനാജ്ഞ ലംഘിച്ച് കൂട്ടമായി രോഗവ്യാപനത്തിന് കാരണമാകുന്ന തരത്തില് പ്രാര്ഥന നടത്തിയതിനെ തുടര്ന്നാണ് അറസ്റ്റ്.
ഞായറാഴ്ച രാവിലെ എട്ട് മണിയോടെയായിരുന്നു സംഭവം. പ്രാര്ഥന നടക്കുന്ന വിവരമറിഞ്ഞെത്തിയ പോലീസ് ഇവരെ അറസ്റ്റ് അറസ്റ്റ് ചെയ്യുകയായിരുന്നു. വികാരി ഫാദര് ടോം ജോസഫ്, അസിസ്റ്റന്റ് വികാരി ഫാദര് പ്രിന്സ്, ബ്രദര് സന്തോഷ്, സിസ്റ്റര്മാരായ സന്തോഷ, നിത്യ, മേരി ജോണ്, സെമിനാരി വിദ്യാര്ഥികളായ ആഞ്ജല, സുബിന്, മിഥുന് എന്നിവരാണ് അറസ്റ്റിലായത്. ഇവരെ ജാമ്യത്തില് വിട്ടയച്ചു.
ഇവര്ക്കെതിരേ എപ്പിഡെമിക് ഡിസീസ് ഓര്ഡിനന്സ് 2020 പ്രകാരം നടപടി സ്വീകരിക്കുമെന്നും പോലീസ് പറഞ്ഞു.
മാനന്തവാടി സി.ഐ എം എം അബ്ദുള് കരീം, എസ് ഐ സി.ആര്അനില് എന്നിവരുടെ നേതൃത്വത്തിലുള്ള സംഘമാണ് ഇവരെ അറസ്റ്റ് ചെയ്തത്.
Content Highlights: priest arrested in mananthavady
Published: 29 Mar 2020, 01:37 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented