ന്യൂഡൽഹി: എഎപി നേതാവും മുൻമന്ത്രിയുമായ സത്യേന്ദർ ജെയിൻ അറസ്റ്റിൽ. ഡൽഹി ജലബോർഡുമായി ബന്ധപ്പെട്ട അഴിമതിക്കേസിലാണ് നടപടി.

To advertise here,

ഡൽഹി ആന്റി കറപ്ഷൻ ബ്രാഞ്ച് (എബിസി) ആണ് സത്യേന്ദർ ഉൾപ്പെടെ ആറുപേരെ അറസ്റ്റ് ചെയ്തത്. ഡൽഹി ജല ബോർഡ് മുൻ സിഇഒ ഉദിത് പ്രകാശ് റായ്, മുൻ കോൺട്രാക്ച്വൽ കൺസൾട്ടന്റ് അങ്കിത് ശ്രീവാസ്തവ, നാഗേന്ദ്ര യാദവ്, രാജ കുമാർ കുറ, പങ്കജ് വർമ എന്നിവരാണ് അറസ്റ്റിലായ മറ്റാളുകൾ.

അരവിന്ദ് കെജ്‌രിവാൾ സർക്കാരിലെ ജലമന്ത്രിയായിരുന്നു സത്യേന്ദർ ജെയിൻ. ഡൽഹി ജല ബോർഡിന്റെ സീവേജ് ട്രീറ്റ്‌മെന്റ് പ്ലാന്റുകളുടെ നവീകരണവുമായി ബന്ധപ്പെട്ട് ടെൻഡർ നടപടികളിൽ വലിയതോതിൽ ക്രമക്കേടുകളും ക്രിമിനൽ ഗൂഢാലോചനയും ഉൾപ്പെടെ നടന്നെന്ന കേസിലാണ് അറസ്റ്റ്.

അതേസമയം അറസ്റ്റ് രാഷ്ട്രീയപ്രേരിതമാണെന്നും ആരോപിക്കപ്പെടുന്ന ക്രമക്കേടുകൾ നടന്ന സമയത്ത് സത്യേന്ദർ ജെയിൻ ജയിലിൽ ആയിരുന്നെന്നും എഎപി പ്രതികരിച്ചു.