ന്യൂഡൽഹി: വലിയ ജനപ്രിയ പ്രഖ്യാപനങ്ങളില്ലാതെ കേന്ദ്രബജറ്റ് ലോക്‌സഭയിൽ ധനമന്ത്രി നിർമലാ സീതാരാമൻ അവതരിപ്പിച്ചു. സാമ്പത്തിക വളർച്ച നിലനിർത്തുക, നിക്ഷേപം വർദ്ധിപ്പിക്കുക, തൊഴിൽ സൃഷ്ടിക്കുക എന്നിവയിൽ ഊന്നൽ നൽകിയായിരുന്നു ഇത്തവണത്തെ ബജറ്റ് അവതരണം. സാമ്പത്തിക അച്ചടക്കം പാലിക്കുന്നതിനും പ്രാധാന്യം നൽകി.

To advertise here,

ആദ്യമായാണ് ഞായറാഴ്ച ബജറ്റ് അവതരിപ്പിക്കുന്നത്. നിർമലയുടെ ഒൻപതാമത് ബജറ്റവതരണമാണ് ഇത്തവണ. ഒരു മണിക്കൂർ 25 മിനിറ്റ് ദൈർഘ്യമുള്ള പ്രസംഗമാണ് ധനമന്ത്രി നടത്തിയത്. തുടർച്ചയായി ഏറ്റവും കൂടുതൽ തവണ ബജറ്റവതരിപ്പിച്ച ധനമന്ത്രിയെന്ന നേട്ടവും നിർമലയ്ക്കുണ്ട്.