ന്യൂഡല്ഹി: കേന്ദ്രസര്ക്കാര് നയങ്ങളില് പ്രതിഷേധിച്ച് 10 തൊഴിലാളി യൂണിയനുകള് സംയുക്തമായി രാജ്യവ്യാപകമായി പ്രതിഷേധിക്കുന്നു. ബുധനാഴ്ച പ്രഖ്യാപിച്ചിരിക്കുന്ന അഖിലേന്ത്യാ പണിമുടക്കിൽ വിവിധ വിഭാഗങ്ങളിലായി 25 കോടിയോളം വരുന്ന തൊഴിലാളികള് പങ്കെടുക്കുമെന്നാണ് തൊഴിലാളി യൂണിയനുകള് അവകാശപ്പെടുന്നത്.
കര്ഷകര്, ബാങ്കിങ് മേഖല, ഇന്ത്യാ പോസ്റ്റ്, കല്ക്കരി ഖനനം, ഫാക്ടറികള്, പൊതുഗതാഗതം എന്നീ മേഖലയില് നിന്നുള്ള തൊഴിലാളികള് പണിമുടക്കുമെന്ന് തൊഴിലാളി നേതാക്കള് പറയുന്നു. എഐടിയുസി, ഹിന്ദ് മസ്ദൂര് സഭ, സംയുക്ത കിസാന് മോര്ച്ച, ഐഎന്ടിയുസി, സിഐടിയു, ഓള് ഇന്ത്യ യുണൈറ്റഡ് ട്രേഡ് യൂണിയന് സെന്റര്, ട്രേഡ് യൂണിയന് കോര്ഡിനേറ്റ് സെന്റര്, സെല്ഫ് എംപ്ലോയ്ഡ് വുമണ്സ് അസോസിയേഷന്, ഓള് ഇന്ത്യ സെന്ട്രല് കൗണ്സില് ഓഫ് യൂണിയന്സ്, ലേബര് പ്രോഗ്രസീവ് ഫെഡറേഷന്, യുണൈറ്റഡ് ട്രേഡ് യൂണിയന് കോണ്ഗ്രസ് തുടങ്ങിയ സംഘടനകളാണ് പങ്കുചേരുക.
യൂണിയനുകള് മുന്നോട്ടുവെച്ച 17 ഇന നിര്ദ്ദേശങ്ങള് കേന്ദ്രസര്ക്കാര് തുടര്ച്ചയായി അവഗണിക്കുന്നതില് പ്രതിഷേധിച്ചാണ് സമരം. പ്രധാനമായും കേന്ദ്രം കൊണ്ടുവന്ന തൊഴില് നിയമം, സ്വകാര്യവത്കരണം, കരാര് തൊഴില് വ്യാപകമാക്കല് തുടങ്ങിയ വിഷയങ്ങളിലാണ് യൂണിയനുകള്ക്ക് എതിര്പ്പുള്ളത്. അതേസമയം സംഘപരിവാര് സംഘടനയായ ബിഎംഎസ് പണിമുടക്കിൽ പങ്കാളിയാകില്ല.
കേരളത്തില് സിഐടിയു, എഐടിയുസി, ഐഎന്ടിയുസി എന്നീ സംഘടനകള് പിന്തുണയ്ക്കും. കേരളത്തില് കെ.എസ്.ആര്.ടി.സി, സ്വകാര്യ ബസ് സര്വീസുകളും, ബാങ്കിങ് മേഖല, പോസ്റ്റല് സര്വീസ് എന്നിവയേയും പണിമുടക്ക് ബാധിക്കുമെന്നാണ് കരുതുന്നത്. എന്നാല് റെയില് സേവനങ്ങളോ, ബാങ്കിങ് സേവനങ്ങളിലൊ തടസമുണ്ടാകുമെന്ന് അധികൃതര് വ്യക്തമാക്കിയിട്ടില്ല.
Content Highlights: Over 25 crone workers across India participate in Bharat Bandh
Published: 08 Jul 2025, 10:05 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented