അഹമ്മദാബാദ്: ഗുജറാത്തിലെ ഉപതിരഞ്ഞെടുപ്പ് തോല്‍വിയുടെ ധാര്‍മിക ഉത്തരവാദിത്വം ഏറ്റെടുത്ത് ശക്തിസിങ് ഗോഹില്‍ കോണ്‍ഗ്രസ് സംസ്ഥാന അധ്യക്ഷസ്ഥാനം രാജിവെച്ചു. തന്റെ കഴിവുകള്‍ പൂര്‍ണമായി വിനിയോഗിച്ചെങ്കിലും വിസാവദര്‍, കഡി മണ്ഡലങ്ങളില്‍ കോണ്‍ഗ്രസ് സ്ഥാനാര്‍ഥികള്‍ പരാജയപ്പെട്ടതായി അദ്ദേഹം പറഞ്ഞു.
വിസാവദറില്‍ കോണ്‍ഗ്രസ് മൂന്നാം സ്ഥാനത്തായി. മുന്‍ വര്‍ഷത്തെക്കാള്‍ വോട്ടും കുറഞ്ഞു. 2014, 2017 വര്‍ഷങ്ങളില്‍ പാര്‍ട്ടി വിജയിച്ച സീറ്റാണിത്. കഡിയില്‍ രണ്ടാംസ്ഥാനത്താണെങ്കിലും വോട്ടുകുറഞ്ഞു. 2023 ജൂണില്‍ അധ്യക്ഷസ്ഥാനം ഏറ്റെടുത്ത ഗോഹില്‍ രാജ്യസഭാ എം.പിയാണ്.
എഐസിസിയുടെ ഏപ്രിലിലെ അഹമ്മദാബാദ് സമ്മേളനത്തിന്റെ തീരുമാനപ്രകാരം ഗുജറാത്തിലെ പുതിയ ഡിസിസി പ്രസിഡന്റുമാരെ പ്രഖ്യാപിച്ചിരുന്നു. അതിനുപിന്നാലെയാണ് ഗോഹിലിന്റെ രാജി.
പഞ്ചാബിലെ ലുധിയാന വെസ്റ്റിലെ ഉപതിരഞ്ഞെടുപ്പില്‍ പരാജയപ്പെട്ട ഭരത് ഭൂഷന്‍ അശു പാര്‍ട്ടി വര്‍ക്കിങ് പ്രസിഡന്റ് സ്ഥാനം രാജിവെച്ചു. മണ്ഡലം ആംആദ്മി പാര്‍ട്ടി നിലനിര്‍ത്തുകയായിരുന്നു.
Content Highlights: gujarat and punjab congress leaders resigns respective posts following election failures
Published: 24 Jun 2025, 08:12 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented