ന്യൂഡൽഹി: അധികാരമൊഴിഞ്ഞതിന് ശേഷം ജഡ്ജിമാർ നടത്തുന്ന അഭിപ്രായപ്രകടനങ്ങൾ വ്യക്തിപരമെന്ന് ചീഫ് ജസ്റ്റിസ് ഡി വൈ ചന്ദ്രചൂഡ്. മുൻ ചീഫ് ജസ്റ്റിസ് രഞ്ജൻ ഗൊഗോയി രാജ്യസഭയിൽ നടത്തിയ പരാമർശം വിവാദമായതിന്റെ പശ്ചാത്തലത്തിലാണ് അദ്ദേഹത്തിന്റെ പ്രതികരണം. ഭരണഘടനയുടെ അടിസ്ഥാനഘടനാസിദ്ധാന്തം സംവാദാത്മകമാണെന്നായിരുന്നു ഗൊഗോയിയുടെ പരാമർശം.
ജമ്മു കശ്മീരിൽ ഭരണഘടനയുടെ 370-ാം അനുച്ഛേദം റദ്ദാക്കിയതുമായി ബന്ധപ്പെട്ട് നടന്ന വാദത്തിനിടെ അഭിഭാഷകൻ കപിൽ സിബൽ ഗൊഗോയിയുടെ പ്രസ്താവന പരാമർശിച്ചതിന് പിന്നാലെയാണ് ചീഫ് ജസ്റ്റിസ് പ്രതികരിച്ചത്. സംസ്ഥനത്തിന്റെ പ്രത്യേക പദവി റദ്ദാക്കിയ നടപടി ശരിയല്ലെന്ന് കബിൽ സിബൽ വാദിച്ചു. ഭരണഘടനയുടെ അടിസ്ഥാനഘടനാസിദ്ധാന്തം സംവാദാത്മകമാണെന്ന താങ്കളുടെ സഹപ്രവർത്തകൻ പറഞ്ഞതായും കപിൽ സിബൽ ചൂണ്ടിക്കാട്ടി.
എന്നാൽ ഒരിക്കൽ ജഡ്ജിമാരായിരുന്നവർ പറയുന്ന പ്രസ്താവനകൾ വെറും അഭിപ്രായങ്ങളാണെന്ന് കപിൽ സിബലിന് മറുപടിയായി ചീഫ് ജസ്റ്റിസ് പറഞ്ഞു. തന്റെ സഹപ്രവർത്തകനെന്ന നിലയിൽ ഒരാളെ പരാമർശിക്കുമ്പോൾ അത് നിലവിൽ ജോലിയിൽ തുടരുന്ന വ്യക്തിയെയായിരിക്കണമെന്നും അദ്ദേഹം ഓർമിപ്പിച്ചു.
അതേമസയം, വിഷയം സിബൽ പാർലമെന്റിൽ ഉന്നയിക്കേണ്ടതായിരുന്നുവെന്ന് കേസിൽ കേന്ദ്രത്തിന് വേണ്ടി ഹാജരായ സോളിസിറ്റർ ജനറൽ തുഷാർ മേത്ത അഭിപ്രായപ്പെട്ടു. ഇന്നലെ അദ്ദേഹം സഭയിൽ ഇല്ലായിരുന്നതിനാലാണ് വിഷയം കോടതിയിൽ ഉന്നയിക്കുന്നത്. കോടതിയിലെ വിഷയങ്ങൾ പാർലമെന്റിൽ ചർച്ച ചെയ്യാത്തതുപോലെ രാജ്യസഭയിലെ കാര്യങ്ങൾ കോടതിയിലും ചർച്ച ചെയ്യേണ്ടതില്ലെന്നും തുഷാർ മേത്ത സൂചിപ്പിച്ചു.
ഗൊഗോയിയുടെ പരാമർശത്തിന് പിന്നാലെ പ്രതിപക്ഷാംഗങ്ങൾ വലിയ പ്രതിഷേധം രേഖപ്പെടുത്തിയിരുന്നു. ഭരണഘടനയുടെ പൂർണമായ അഴിച്ചുപണിക്ക് തുടക്കമിടാനുള്ള ബി.ജെ.പി.യുടെ തന്ത്രമാണോ ഇതെന്ന് കോൺഗ്രസ് ദേശീയ ജനറൽ സെക്രട്ടറി കെ.സി. വേണുഗോപാൽ എക്സിൽ കുറിച്ചു.
Content Highlights: Chief Justice On Ranjan Gogoi's Remark
Published: 09 Aug 2023, 10:14 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented