ന്യൂഡൽഹി: അംഗത്വകാലത്തിന്റെ ഭാഗമായി പാർട്ടിയിലേക്ക് 10 കോടി പുതിയ അംഗങ്ങളെ ചേർക്കാൻ ബിജെപി. സെപ്റ്റംബർ ഒന്നിന് ആരംഭിക്കുന്ന അംഗത്വകാലത്തിൽ രാജ്യത്തെ എല്ലാ സംസ്ഥാനങ്ങളിൽ നിന്നും പുതിയ അംഗങ്ങളെ പാർട്ടിയിലേക്ക് ചേർക്കാനാണ് ബി.ജെ.പിയുടെ തീരുമാനം.
അതേസമയം തിരഞ്ഞെടുപ്പ് പ്രഖ്യാപിച്ച സംസ്ഥാനങ്ങളിലും കേന്ദ്ര ഭരണപ്രദേശങ്ങളിലും പുതിയ അംഗങ്ങളെ പാർട്ടിയിലേക്ക് ചേർക്കില്ല. ശനിയാഴ്ച നടന്ന ദേശീയ- സംസ്ഥാന ഭാരവാഹികളുടെ യോഗത്തിൽ വെച്ചായിരുന്നു തീരുമാനം എടുത്തത്. ബിജെപി അധ്യക്ഷനും കേന്ദ്ര ആരോഗ്യമന്ത്രിയുമായ ജെ.പി. നഡ്ഡ, ആഭ്യന്തരമന്ത്രി അമിത് ഷാ എന്നിവരുടെ നേതൃത്വത്തിലായിരുന്നു യോഗം.
പുതിയ പാർട്ടി അധ്യക്ഷനെ തിരഞ്ഞെടുക്കുന്നതിന് മുന്നോടിയായാണ് പുതിയ അംഗങ്ങളെ പാർട്ടിയിലേക്ക് ചേർക്കുക. നഡ്ഡയുടെ കാലാവധി നേരത്തേ അവസാനിച്ചിരുന്നെങ്കിലും ലോക്സഭാ തിരഞ്ഞെടുപ്പ് മുൻനിർത്തി അദ്ദേഹത്തോട് തുടരാൻ നിർദേശിക്കുകയായിരുന്നു.
ആദ്യഘട്ടത്തിൽ സെപ്റ്റംബർ ഒന്ന് മുതൽ നവംബർ 10 വരെ ആയിരിക്കും അംഗത്വകാലം. മിസ് കോൾ, പാർട്ടി വെബ്സൈറ്റ്, മറ്റു ഡിജിറ്റൽ പ്ലാറ്റ്ഫോമുകൾ വഴി പാർട്ടിയിൽ അഗത്വമെടുക്കാൻ സാധിക്കുമെന്ന് പാർട്ടി വക്താവ് സംബിത് പാത്ര പറഞ്ഞു.
Content Highlights: BJP targets enrolling 10 crore members
Published: 17 Aug 2024, 09:41 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented