ബെംഗളുരു: വനിതാ മന്ത്രിക്കെതിരേ അശ്ലീല പദപ്രയോഗം നടത്തിയെന്ന കര്‍ണാടകയിലെ ബി.ജെ.പി നേതാവ് സി.ടി രവിക്കെതിരായ കേസ് ക്രൈംബ്രാഞ്ചിന്(സിഐഡി) കൈമാറി. നിയമനിര്‍മാണസഭയില്‍ വെച്ച് മന്ത്രി ലക്ഷ്മി ഹെബ്ബാള്‍ക്കര്‍ക്കെതിരെ അശ്ലീലപരമാര്‍ശം നടത്തിയെന്നാണ് പരാതി.
നിയമനിര്‍മാണ കൗണ്‍സില്‍ യോഗത്തിനിടെ കോണ്‍ഗ്രസിന്റെയും ബിജെപിയുടെയും അംഗങ്ങള്‍ തമ്മില്‍ വാഗ്വാദമുണ്ടായിരുന്നു. ഇതിനിടെയാണ് മന്ത്രി ലക്ഷ്മി ഹെബ്ബാള്‍ക്കര്‍ക്കെതിരേ സ്ത്രീത്വത്തെ അപമാനിക്കുന്ന തരത്തിലുള്ള പദമുപയോഗിച്ചു എന്ന പരാതി വന്നത്. ഇതിനെ തുടര്‍ന്ന് സിടി രവിയെ അറസ്റ്റ് ചെയ്യുകയും കോടതിയില്‍ ഹാജരാക്കുകയും ചെയ്തിരുന്നു. കര്‍ണാടക ഹൈക്കോടതിയാണ് ഇടക്കാല ജാമ്യം അനുവദിച്ചത്. ഈ വിഷയത്തില്‍ പോലീസായിരുന്നു അന്വേഷണം നടത്തിവന്നത്. ഇതാണ് ക്രൈംബ്രാഞ്ചിന് കൈമാറിയത്.
എന്നാല്‍ സി.ടി രവി അശ്ലീലപരാമര്‍ശം നടത്തുന്നത് ദൃശ്യങ്ങള്‍ പരിശോധിച്ചതില്‍ നിന്ന് വ്യക്തമായിട്ടില്ല എന്നായിരുന്നു നിയമനിര്‍മാണ കൗണ്‍സില്‍ ചെയര്‍മാനും ബി.ജെ.പി നേതാവുമായ ബസവരാജ് ഹൊരട്ടിയുടെ പ്രതികരണം.
Content Highlights: BJP leader CT Ravi`s case, involving an obscene remark against a woman minister, transferred to CID
Published: 24 Dec 2024, 02:19 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented