കോഴിക്കോട്: സി.ജെ.പി. സമരത്തിൽ പങ്കെടുത്തതിന്റെ പ്രതികാരമാണ് പ്രധാനമന്ത്രിയെ അധിക്ഷേപിച്ചെന്ന കേസിനു പിന്നിലെന്ന് മേക്കപ്പ് ആർട്ടിസ്റ്റും ട്രാൻസ്ജെൻഡർ ആക്ടിവിസ്റ്റുമായ ജാൻമണി ദാസ്. ഹിന്ദിവീഡിയോയുടെ മലയാളം വേർഷൻ വന്നപ്പോൾ അത് താൻ പറഞ്ഞെന്ന രീതിയിലായിപ്പോയി. തനിക്കറിയുന്ന മലയാളത്തിലാണ് പറഞ്ഞുകൊടുത്തതെന്നും അങ്ങനെയുള്ള വാക്കുകൾ തന്റെ വായിൽനിന്ന് പുറത്തുവരാൻ പാടില്ലായിരുന്നുവെന്നും അതിന് ക്ഷമചോദിക്കുന്നുവെന്നും ജാൻമണി പറഞ്ഞു.

To advertise here,

സി.ജെ.പി. സമരവുമായി ബന്ധപ്പെട്ട് പ്രധാനമന്ത്രി നരേന്ദ്രമോദിയെ അധിക്ഷേപിച്ചെന്ന കേസിൽ ജാൻമണിദാസ് (41)ഉൾപ്പെടെ മൂന്നുപേരെ സിറ്റി സൈബർപോലീസ് അറസ്റ്റുചെയ്തിരുന്നു. നോട്ടീസ് നൽകിയശേഷം ഇവരെ സ്റ്റേഷൻ ജാമ്യത്തിൽ വിട്ടയച്ചു.

അധിക്ഷേപകരമായ വീഡിയോ പകർത്തിയ തിരുവമ്പാടി അത്തിപ്പാറ കല്ലറക്കൽ കെ.എസ്. അഭിൻ (35), അത് യുറ്റിയൂബ് ചാനലിലൂടെ പുറത്തുവിട്ട പാലക്കാട് കരിമ്പ കൂരമനച്ചോല സജിത് (28)എന്നിവരാണ് അറസ്റ്റിലായ മറ്റു രണ്ടുപേർ. സാമൂഹികമാധ്യമങ്ങളിൽ പങ്കുവെച്ച വീഡിയോയിൽ പ്രധാനമന്ത്രിക്കെതിരേ മോശം പരാമർശം നടത്തിയെന്നാണ് ജാൻമണിയുടെ പേരിലുള്ള പരാതി.

Read More | പ്രധാനമന്ത്രിക്കെതിരായ അധിക്ഷേപം: മഹിളാ മോർച്ചയുടെ പരാതിയിൽ ജാൻമണി അറസ്റ്റിൽ, ജാമ്യത്തിൽവിട്ടു

ചേരിതിരിവുണ്ടാക്കി സമൂഹത്തിൽ ലഹളയുണ്ടാക്കണമെന്നും സമാധാനം തർക്കണമെന്നുമുള്ള ഉദ്ദേശ്യത്തോടെ അപകീർത്തികരമായ വീഡിയോ പ്രചരിപ്പിച്ചെന്നാണ് മൂന്ന് ആളുകളുടെ പേരിലുള്ള കുറ്റം. മഹിളാമോർച്ച സംസ്ഥാന പ്രസിഡന്റ് നവ്യാഹരിദാസിന്റെ പരാതിപ്രകാരമാണ് കേസെടുത്തത്. മൂന്നുപേരെയും സൈബർ പോലീസ് നോട്ടീസ് നൽകി വിളിച്ചുവരുത്തുകയായിരുന്നു. തുടർന്ന് സൈബർ പോലീസ് അസിസ്റ്റന്റ് കമ്മിഷണർ ടി. മനോഹരന്റെ നേതൃത്വത്തിൽ ചോദ്യംചെയ്തു. അസം സ്വദേശിയാണെങ്കിലും ജാൻമണി എറണാകുളത്താണ് താമസിക്കുന്നത്.