ഡിജെ അസെക്സ് എന്ന അക്ഷയ് കുമാർ | ഫോട്ടോ: www.instagram.com/djazex/
ഭുവനേശ്വര്‍: പ്രശസ്ത ഡിജെ അസെക്‌സിനെ ഭുവനേശ്വറില്‍ വസതിയില്‍ തൂങ്ങിമരിച്ച നിലയില്‍ കണ്ടെത്തി. ശനിയാഴ്ച നടന്ന മരണത്തില്‍ പോലീസ് അന്വേഷണം ആരംഭിച്ചു. അതേസമയം മരണത്തിലേക്ക് നയിച്ച കാരണമെന്തെന്ന് അറിവായിട്ടില്ല. പ്രിയ ഡിജെയുടെ അപ്രതീക്ഷിത വിയോഗത്തിന്റെ ഞെട്ടലിലാണ് ആരാധകര്‍.
അക്ഷയ് കുമാര്‍ എന്നാണ് ഡിജെ അസെക്‌സിന്റെ യഥാര്‍ഥ പേര്. 'സ്‌മൈലിങ് ഡിജെ' എന്നാണ് ആരാധകര്‍ക്കിടയില്‍ ഇദ്ദേഹം അറിയപ്പെട്ടിരുന്നത്. ശനിയാഴ്ച രാത്രി ശക്തമായ ഇടിയും മിന്നലും അനുഭവപ്പെട്ടതിനേ തുടര്‍ന്ന് വീട്ടില്‍ കറണ്ട് പോയിരുന്നുവെന്നും ഈ സമയത്ത് അക്ഷയ് മുറിയിലായിരുന്നുവെന്നും ഒരു ബന്ധു ഒഡിഷ ടി.വി.യോട് പ്രതികരിച്ചതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.
രാത്രി പത്തുമണിയോടെ അക്ഷയ് കുമാറിനെ വിളിക്കാന്‍ പോയ ബന്ധുക്കള്‍ കണ്ടത് മുറി പൂട്ടിയിരിക്കുന്നതായിരുന്നു. ഏറെ നേരം വിളിച്ചിട്ടും തുറക്കാതിരുന്നതിനാല്‍ വാതില്‍ ചവിട്ടിപ്പൊളിച്ച് അകത്തുകടന്ന അവര്‍ കണ്ടത് അക്ഷയിന്റെ തൂങ്ങിയ നിലയിലുള്ള മൃതദേഹമായിരുന്നെന്നും ബന്ധു പറഞ്ഞു. ഖരാവേല്‍ നഗര്‍ പോലീസാണ് സംഭവത്തേക്കുറിച്ച് അന്വേഷിക്കുന്നത്.
വിശദമായ അന്വേഷണം വേണമെന്ന് ഡിജെയുടെ കുടുംബം ആവശ്യപ്പെട്ടു. അക്ഷയിന്റെ ഫോണ്‍ സംബന്ധിച്ച് അന്വേഷണം നടത്തണമെന്നും അവര്‍ ആവശ്യപ്പെട്ടു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. Toll free helpline number: 1056, 0471-2552056)
Content Highlights: dj azex found dead at home, smiling dj azex
IN CASE YOU MISSED IT
.png?$p=eb5d914&q=0.8&f=16x11&w=104)
.png?$p=562ffad&q=0.8&f=16x11&w=104)
.png?$p=09f0512&q=0.8&f=16x11&w=104)
.png?$p=b114999&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..