വാഷിങ്ടൺ: റഷ്യ-യുക്രൈൻ സംഘർഷത്തിൽ പുതിയ പ്രഖ്യാപനവുമായി യുഎസ് പ്രസിഡന്റ് ഡൊണാൾഡ് ട്രംപ്. ഇരു രാജ്യങ്ങളും പരസ്പരം അവരുടെ ഊർജകേന്ദ്രങ്ങളെ ആക്രമിക്കില്ലെന്ന് സമ്മതിച്ചിട്ടുണ്ടെന്ന് അദ്ദേഹം അവകാശപ്പെട്ടു. സ്വന്തം സാമൂഹികമാധ്യമമായ ട്രൂത്ത് സോഷ്യലിലൂടെ ആയിരുന്നു ട്രംപിന്റെ പ്രതികരണം.

To advertise here,

‘റഷ്യയുടെ ഊർജസംവിധാനങ്ങൾക്കുനേരെ ആക്രമണം നടത്തില്ലെന്ന് യുക്രൈൻ സമ്മതിച്ചിട്ടുണ്ട്. റഷ്യയും അങ്ങനെ ചെയ്യില്ലെന്ന് സമ്മതിച്ചിട്ടുണ്ട്. ലോകത്ത് ഡീസൽവില ഉയരാൻ പ്രധാനകാരണം റഷ്യ-യുക്രൈൻ യുദ്ധമാണ്, അല്ലാതെ ഇറാൻ അല്ല’, ട്രംപ് ട്രൂത്ത് സോഷ്യലിൽ കുറിച്ചു.

റഷ്യയുടെ ഊർജകേന്ദ്രങ്ങൾക്കുനേരെ ആക്രമണം നടത്തുന്നതിൽ യുക്രൈനെ കഴിഞ്ഞദിവസം ട്രംപ് വിമർശിച്ചിരുന്നു. പിന്നാലെയാണ് അദ്ദേഹത്തിന്റെ പ്രതികരണം.