ഹിറ്റ് ചിത്രമായ ആര്.ആര്.ആറിന് ഒരു സീക്വല് ഉണ്ടാകുമെന്ന് കഴിഞ്ഞ വര്ഷം സംവിധായകന് രാജമൗലി വ്യക്തമാക്കിയിരുന്നു. ഇപ്പോഴിതാ ഓസ്കര് നേട്ടത്തിന് പിന്നാലെ 'ആര്.ആര്.ആറി'ന്റെ രണ്ടാം ഭാഗത്തെക്കുറിച്ച് പ്രതികരണവുമായി എത്തിയിരിക്കുകയാണ് സംവിധായകന്.
'ആര്.ആര്.ആറി'ന്റെ രണ്ടാം ഭാഗത്തിന്റെ തിരക്കഥയുടെ പണികള് വേഗത്തിലാക്കുമെന്ന് രാജമൗലി പറഞ്ഞു. ഓസ്കര് നേട്ടമാണ് ഇതിന് കാരണമായി അദ്ദേഹം ചൂണ്ടിക്കാട്ടുന്നത്.
പിതാവ് വിജയേന്ദ്രപ്രസാദുമായി ആര്.ആര്.ആറിന്റെ രണ്ടാം ഭാഗത്തേക്കുറിച്ച് ചര്ച്ച നടത്തിയിരുന്നുവെന്നും അദ്ദേഹം കഥ വികസിപ്പിച്ചുവരികയാണെന്നും നേരത്തെ രാജമൗലി വ്യക്തമാക്കിയിരുന്നു. സ്വാതന്ത്ര്യസമര സേനാനികളായ അല്ലൂരി സീതാരാമരാജു, കൊമരം ഭീം എന്നിവരുടെ കഥയാണ് ഫാന്റസിയുടെ അകമ്പടിയില് രാജമൗലി 'ആര്.ആര്.ആറി'ല് അവതരിപ്പിച്ചത്.
രാമരാജുവായി രാംചരണ് തേജയും കൊമരം ഭീം ആയി ജൂനിയര് എന്.ടി.ആറുമാണ് എത്തിയത്. അജയ് ദേവ്ഗണ്, ആലിയാ ഭട്ട്, ശ്രീയാ ശരണ്, സമുദ്രക്കനി, ഒലിവിയാ മോറിസ്, റേ സ്റ്റീവന്സണ് എന്നിവരാണ് മറ്റുവേഷങ്ങളിലെത്തിയത്.
Content Highlights: director rajamouli about rrr second part
Published: 14 Mar 2023, 06:55 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented