തമിഴിലെ പ്രമുഖ ചലച്ചിത്ര സംവിധായകന്‍ അജയ് ജ്ഞാനമുത്തു വിവാഹിതനായി. ഷിമോണയാണ് വധു. ചിയാന്‍ വിക്രം നായകനായ കോബ്ര ഉള്‍പ്പെടെയുള്ള ചിത്രങ്ങളിലൂടെയാണ് അജയ് ശ്രദ്ധേയനാകുന്നത്. വിവാഹത്തിന് വിക്രം ഉള്‍പ്പെടെയുള്ള താരങ്ങള്‍ പങ്കെടുക്കുകയും ആശംസകളര്‍പ്പിക്കുകയും ചെയ്തു.
സംഗീതസംവിധായകരായ ഹിപ്പ്‌ഹോപ്പ് ആദി, ജീവ, 'കോബ്ര'യിലെ താരങ്ങളായ മീനാക്ഷി ഗോവിന്ദരാജന്‍, മൃണാളിനി രവി, നടന്മാരായ വിശാല്‍, അശ്വിന്‍ കുമാര്‍, ആനന്ദ് രാജ്, അരുണ്‍ പാണ്ഡ്യന്‍, അശോക് സെല്‍വന്‍, മകളും അഭിനേത്രിയുമായ കീര്‍ത്തി പാണ്ഡ്യന്‍, നിര്‍മ്മാതാക്കളായ കെ.ഇ. ജ്ഞാനവേല്‍ രാജ, രാജശേഖര്‍ പാണ്ഡ്യന്‍ എന്നിവര്‍ വിവാഹത്തില്‍ പങ്കെടുത്തു.
ഷോര്‍ട്ട് ഫിലിമില്‍ തുടങ്ങി എ.ആര്‍. മുരുകദോസിന്റെ അസിസ്റ്റന്റായാണ് അജയ് ജ്ഞാനമുത്തു ചലച്ചിത്രമേഖലയിലെത്തുന്നത്. ഏഴാം അറിവ്, തുപ്പാക്കി എന്നീ ചിത്രങ്ങളില്‍ അദ്ദേഹം പ്രവര്‍ത്തിച്ചു. തുടര്‍ന്ന് 2015-ല്‍ ഡിമോണ്ടി കോളനി എന്ന ചിത്രത്തിലൂടെയാണ് അദ്ദേഹം സ്വതന്ത്ര സംവിധായകനാകുന്നത്. ഇമൈക്ക നൊടികള്‍, കോബ്ര, ഡിമോണ്ടി കോളനി 2 എന്നീ ചിത്രങ്ങളുടെ സംവിധായകനാണ് അജയ് ജ്ഞാനമുത്തു.
Content Highlights: Director Ajay Gnanamuthu marries Shimona. Chiyaan Vikram and celebs attend
Published: 21 Jan 2025, 02:26 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented