രാഷ്ട്രീയത്തിലേക്കില്ലെന്ന് വ്യക്തമാക്കി തമിഴ് താരം സൂര്യ. ചെന്നൈയിൽ നടന്ന തന്റെ പുതിയ ചിത്രമായ 'സീനു'മായി ബന്ധപ്പെട്ട ചടങ്ങിൽ സംസാരിക്കവെയാണ് രാഷ്ട്രീയ പ്രവേശനത്തെക്കുറിച്ചുള്ള ചോദ്യങ്ങളോട് സൂര്യ പ്രതികരിച്ചത്. രാഷ്ട്രീയത്തിലേക്കില്ലെന്നതിന്റെ അർഥം താൻ അതിനെ വെറുക്കുന്നുവെന്നല്ല. രാഷ്ട്രീയം താൻ സൂക്ഷ്മമായി നിരീക്ഷിക്കുന്നുണ്ടെന്നും സൂര്യ പറഞ്ഞു.

To advertise here,

'വഴിയറിയില്ലെങ്കിൽ പോലും ഞാൻ തീർച്ചയായും രാഷ്ട്രീയത്തിലേക്ക് ഇറങ്ങില്ല,' എന്ന് നടൻ പറഞ്ഞു. രാഷ്ട്രീയത്തിലേക്ക് കടന്നുവരുന്നതിന് മുൻപ് ചെറുപ്പക്കാർ അതിനെക്കുറിച്ച് പൂർണ്ണമായി മനസ്സിലാക്കിയിരിക്കണം. നേതാക്കൾ വിദ്യാഭ്യാസത്തിന് കൂടുതൽ പ്രാധാന്യം നൽകണം. മൂന്നാമതൊരാൾ വന്ന് മാത്രം അഴിമതി അവസാനിപ്പിക്കാൻ കഴിയില്ലെന്നും സൂര്യ അഭിപ്രായപ്പെട്ടു.

നടൻ വിജയ് 'തമിഴക വെട്രി കഴകം' എന്ന പാർട്ടി രൂപീകരിച്ച് സജീവ രാഷ്ട്രീയത്തിലേക്ക് പ്രവേശിച്ചതിന് പിന്നാലെ തമിഴ് സിനിമയിലെ പ്രമുഖ താരങ്ങളുടെ രാഷ്ട്രീയ നീക്കങ്ങൾ വീണ്ടും വലിയ ചർച്ചയാകുന്ന സാഹചര്യത്തിലാണ് സൂര്യയുടെ പ്രതികരണം. നടൻ ധനുഷും സമാനമായ രാഷ്ട്രീയ നീക്കങ്ങൾ നടത്തുന്നു എന്ന തരത്തിലുള്ള റിപ്പോർട്ടുകൾ പുറത്തുവരുന്നതിനിടെയാണ് സൂര്യ തന്റെ നിലപാട് വ്യക്തമാക്കിയത്.