സംഗീത സംവിധായകൻ അനിരുദ്ധ് രവിചന്ദറിന്റെയും ഐ.പി.എൽ. ടീമായ സൺറൈസേഴ്‌സ് ഹൈദരാബാദ് ഉടമ കാവ്യ മാരന്റെയും വിവാഹച്ചടങ്ങുകളിൽ പങ്കെടുക്കാനായി തമിഴ് സിനിമാ താരം രജനീകാന്തും തമിഴ്നാട് മുൻമുഖ്യമന്ത്രി എം.കെ. സ്റ്റാലിനും ഗ്രീസിലേക്ക് തിരിച്ചു. ചൊവ്വാഴ്ചയും ബുധനാഴ്ചയുമായി രണ്ടുദിവസമായാണ് വിവാഹ ചടങ്ങുകൾ.

To advertise here,

ബന്ധുക്കളും അടുത്ത സുഹൃത്തുക്കളും മാത്രം പങ്കെടുക്കുന്ന സ്വകാര്യ ചടങ്ങിലാണ് വിവാഹം. അതിഥികളുടെ യാത്രയും താമസസൗകര്യങ്ങളും മാരൻ കുടുംബമാണ് ഒരുക്കിയിരിക്കുന്നത്. അനിരുദ്ധിന്റെ ബന്ധു കൂടിയാണ് രജനീകാന്ത്.

ഗ്രീസിലെ ചടങ്ങുകൾക്ക് ശേഷം നവംബർ 21-ന് ചെന്നൈയിൽ പ്രൗഢഗംഭീരമായ വിവാഹസത്കാരം നടക്കും. പ്രധാനമന്ത്രി നരേന്ദ്ര മോദി, കോൺഗ്രസ് നേതാവ് സോണിയ ഗാന്ധി, ധനമന്ത്രി നിർമല സീതാരാമൻ, തെലങ്കാന മുഖ്യമന്ത്രി എ. രേവന്ത് റെഡ്ഡി, ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു, തമിഴ്നാട് മുഖ്യമന്ത്രി സി. ജോസഫ് വിജയ് തുടങ്ങി രാഷ്ട്രീയ- ബിസിനസ്- സിനിമാ മേഖലകളിലെ പ്രമുഖരെ സത്കാരത്തിലേക്ക് ക്ഷണിച്ചിട്ടുണ്ട്.