കൊച്ചി: ശ്വേത മേനോന് പിന്തുണയുമായി നടൻ ദേവൻ. ശ്വേതയ്ക്കെതിരായ കേസ് അനാവശ്യമാണെന്ന് അദ്ദേഹം പ്രതികരിച്ചു. കേസിൽ പറയുന്നതുപോലെയുള്ള ഒരു കലാകാരിയല്ല ശ്വേത മേനോനെന്ന് അദ്ദേഹം മാതൃഭൂമി ന്യൂസിനോട് പറഞ്ഞു.
ശ്വേതയ്ക്കെതിരെയുള്ള കേസിനെക്കുറിച്ച് കേട്ടപ്പോൾ ശുദ്ധ അസംബന്ധമായാണ് തോന്നിയതെന്ന് ദേവൻ പറഞ്ഞു. ആ പരാതിയിൽ ഒരു കഴമ്പുമില്ല. അമ്മയുടെ പ്രസിഡന്റ് സ്ഥാനത്തേക്ക് മത്സരിക്കുന്ന ഒരു സ്ഥാനാർത്ഥിയാണ് ശ്വേത. അത് ഉദ്ദേശിച്ചാണോ ഈ പരാതിയെന്ന് അറിയില്ല. പരാതിയിൽ പറയുന്ന സിനിമകളൊക്കെ റിലീസായിട്ട് വർഷങ്ങളായി.
പെട്ടന്നൊരു സുപ്രഭാതത്തിലാണ് ഇങ്ങനെയൊരു കേസ് വരുന്നതെന്നും ദേവൻ പറഞ്ഞു. പരാതിക്കാരൻ ഉന്നയിച്ചിട്ടുള്ള കാര്യങ്ങളെല്ലാം ശ്വേതയുടെ ഇമേജിനെ വികൃതമാക്കാൻ വേണ്ടിയുള്ളതാണ്. മനഃപൂർവം ചെയ്യുന്ന കാര്യമാണിതെന്നും ദേവൻ കൂട്ടിച്ചേർത്തു.
അശ്ലീല സിനിമകളില് അഭിനയിച്ച് സാമ്പത്തിക ലാഭമുണ്ടാക്കിയെന്നതാണ് ശ്വേത മേനോനെതിരെ ഉന്നയിക്കപ്പെട്ട പരാതി. സിജെഎം കോടതി മുമ്പാകെയാണ് ഈ പരാതി ആദ്യമെത്തിയത്. കോടതിയാണ് കേസെടുക്കാന് പോലീസിന് നിര്ദേശം നല്കിയത്. അതിന്റെ അടിസ്ഥാനത്തിൽ എറണാകുളം സെന്ട്രല് പോലീസാണ് കേസെടുത്തിരുന്നത്.
Content Highlights: Actor Devan backs Shwetha Menon, calling the obscenity case against her baseless
Published: 07 Aug 2025, 02:32 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented