ഏഴ് ഭാഷകളിൽ ചരിത്രം കുറിക്കാനെത്തുന്ന 'സാൽമൺ ത്രി ഡി' ചിത്രത്തിലെ കാതൽ എൻ കവിയേ എന്നുതുടങ്ങുന്ന ഗാനത്തിന്റെ ലിറിക്കൽ വീഡിയോ പുറത്തിറങ്ങി. പ്രണയത്തിന്റെ കുളിരനുഭവം നല്കുന്ന ദൃശ്യങ്ങളും വരികളും സംഗീതവുമായി എത്തുന്ന ഗാനത്തിൽ വിജയ് യേശുദാസും ജോനിറ്റയുമാണ് വേഷമിടുന്നത്. നവീൻ കണ്ണന്റെ രചനയിൽ ശ്രീജിത്ത് എടവന സംഗീതം നല്കിയ ഗാനം ആലപിച്ചിരിക്കുന്നത് സിദ് ശ്രീറാമാണ്.
ഡോൾസ്, കാട്ടുമാക്കാൻ എന്നീ ചിത്രങ്ങൾക്ക് ശേഷം മലയാളിയായ ഷലീൽ കല്ലൂർ രചനയും സംവിധാനവും നിർവഹിക്കുന്ന ത്രി ഡി റൊമാന്റിക് സസ്പെൻസ് ത്രില്ലർ ചിത്രമാണ് സാൽമൺ. എം ജെ എസ് മീഡിയയുടെ ബാനറിൽ ഷാജു തോമസ് (യു എസ് എ), ജോസ് ഡി പെക്കാട്ടിൽ, ജോയ്സ് ഡി പെക്കാട്ടിൽ എന്നിവർ ചേർന്ന് നിർമിക്കുന്ന സാൽമൺ ത്രി ഡി ഏഴു ഭാഷകളിൽ ഒരേ സമയം റിലീസ് ചെയ്യും. തമിഴിന് പുറമേ മലയാളം, കന്നഡ, തെലുങ്ക്, ഹിന്ദി, മറാത്തി, ബംഗാളി ഭാഷകളിലാണ് ചിത്രം ഒരുങ്ങുന്നത്.
ഗായകൻ വിജയ് യേശുദാസാണ് സാൽമണിലെ പ്രധാന കഥാപാത്രമായ സർഫറോഷിനെ അവതരിപ്പിക്കുന്നത്. വിവിധ ഇന്ത്യൻ ഭാഷാ അഭിനേതാക്കളായ ചരിത് ബലാപ്പ, രാജീവ് പിള്ള, ഷിയാസ് കരീം, ജാബിർ മുഹമ്മദ്, സജിമോൻ പാറയിൽ, ഇബ്രാഹിംകുട്ടി, സമീർ, ധ്രുവന്ത്, ബഷീർ ബഷി, തൻവി കിഷോർ, ആഞ്ജോ നയാർ, ഷിനി അമ്പലത്തൊടി, ബിസ്മി നവാസ്, നസ്റീൻ നസീർ, ദർശിനി, സംഗീത വിപുൽ, ജ്യോതി ചന്ദ്രൻ, സീതു, അഫ്റീൻ സൈറ, ബേബി ദേവാനന്ദ, ബേബി ഹെന തുടങ്ങിയവരോടൊപ്പം സംവിധായകൻ ഷലീൽ കല്ലൂരും അഭിനയിക്കുന്നു. രാഹുൽ മേനോനാണ് ക്യാമറ.
Content highlights :malayalam movie salmon 3d starring vijay yesudas lyrical video released
