മുംബൈ: കഴിഞ്ഞ രണ്ട് വര്ഷത്തെയും പോലെ ഇത്തവണത്തെ മുഹൂര്ത്ത വ്യാപാരത്തിലും ഓഹരി സൂചികകള് മുന്നേറ്റം കുറിച്ചു. സെന്സെക്സ് 355 പോയന്റ് ഉയര്ന്ന് 65,258ലും നിഫ്റ്റി 100 പോയന്റ് നേട്ടത്തില് 19,525ലുമാണ് വ്യാപാരം അവസാനിപ്പിച്ചത്.
വിപണി മികച്ച നേട്ടമുണ്ടാക്കിയതോടെ ബിഎസ്ഇയില് ലിസ്റ്റ് ചെയ്ത കമ്പനികളുടെ വിപണിമൂല്യത്തില് രണ്ട് ലക്ഷം കോടിയിലേറെ വര്ധനവുണ്ടായി. ബിഎസ്ഇയില് ലിസ്റ്റ് ചെയ്ത കമ്പനികളുടെ മൊത്തം മൂല്യം 322.52 ലക്ഷം കോടിയായി. വ്യാപാത്തിന്റെ ഓരോ സെക്കന്ഡിലും നിക്ഷേപകരുടെ സമ്പത്തില് ശരാശരി 62 കോടി രൂപയുടെ നേട്ടമുണ്ടായി.
Also Read
ഇന്ഫോസിസ്, വിപ്രോ, ഏഷ്യന് പെയിന്റ്സ്, ടിസിഎസ്, ടൈറ്റാന് കമ്പനി തുടങ്ങിയ ഓഹരികള് മികച്ച നേട്ടമുണ്ടാക്കി. എല്ലാ സെക്ടറല് സൂചികളും നേട്ടത്തിലാണ് വ്യാപാരം അവസാനിപ്പിച്ചത്. സ്മോള് ക്യാപ് ഓഹരികളില് കുതിപ്പ് തുടരുന്നു. സൂചിക ഒരു ശതമാനത്തിലേറെ ഉയര്ന്നാണ് ക്ലോസ് ചെയ്തത്.
പ്രീ ഓപ്പണിങ് സെഷനില് സെന്സെക്സ് 600 പോയന്റ് വരെ ഉയര്ന്നിരുന്നു. ദീപാവലിയോടനുബന്ധിച്ച് ഞായറാഴ്ച വൈകീട്ട് ആറു മുതല് 7.15വരെയായിരുന്നു പ്രത്യേക വ്യാപാരം.
Content Highlights: Diwali Muhurat Trading: Sensex opens up 350 points, Nifty above 19,500
Published: 12 Nov 2023, 07:24 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented