2013-ൽ പുറത്തിറങ്ങിയ മാരിയാൻ എന്ന ചിത്രത്തിന്റെ ഷൂട്ടിങ്ങിനിടെയുള്ള അനുഭവമാണ് താരം പങ്കുവെച്ചത്

മലയാളി താരം പാർവതി തിരുവോത്തും ധനുഷും ഒന്നിച്ചെത്തി 2013-ൽ പുറത്തിറങ്ങിയ തമിഴ് ചിത്രമാണ് മരിയൻ. ബോക്സ് ഓഫീസിൽ വൻ വിജയമായിരുന്ന ചിത്രത്തിന്റെ ഷൂട്ടിങ് സമയത്ത് തനിക്കുണ്ടായ ദുരനുഭവം തുറന്നുപറയുകയാണ് പാർവതി. ഹൗട്ടർഫ്ളൈയിലെ പോഡ്കാസ്റ്റായ ദി മെയിൽ ഫെമിനിസ്റ്റിൽ സംസാരിക്കുകയായിരുന്നു അവർ. തനിക്ക് ആർത്തവമാണ് എന്ന് സെറ്റിൽവെച്ച് സംവിധായകരോട് പറയേണ്ടി വന്നിട്ടുണ്ടോ എന്ന ചോദ്യത്തിന് മറുപടി പറയുകയായിരുന്നു പാർവതി.
'മാരിയാൻ എന്നൊരു തമിഴ് ചിത്രം ഞാൻ ചെയ്തിരുന്നു. ഷൂട്ടിങ്ങിന്റെ ആദ്യ ദിവസം നായകനൊപ്പം പൂർണമായി നനഞ്ഞുകൊണ്ടുള്ള രംഗമാണ് ചിത്രീകരിച്ചത്. അവർ ദേഹത്തേക്ക് വീണ്ടും വീണ്ടും വെള്ളം ഒഴിച്ചുകൊണ്ടിരിന്നു. മാറാനുള്ള വസ്ത്രങ്ങളൊന്നും കൈയിലില്ല എന്ന് അപ്പോഴാണ് ഞാൻ മനസിലാക്കിയത്. എനിക്കൊപ്പം എന്റെ കാര്യങ്ങൾ നോക്കാനായി സഹായികളാരുമുണ്ടായിരുന്നില്ല.' -പാർവതി പറഞ്ഞു.
'എനിക്ക് ഹോട്ടലിൽ പോയി വസ്ത്രം മാറിവരണമെന്ന് ഒരുസമയം കഴിഞ്ഞപ്പോൾ ഞാൻ അവരോട് പറഞ്ഞു. എന്നാൽ നമുക്ക് സമയം കുറവാണ് എന്നായിരുന്നു അവരുടെ മറുപടി. ഒടുവിൽ എനിക്ക് ആർത്തവമാണ് എന്ന് ഉറക്കെ വിളിച്ചുപറയേണ്ടിവന്നു. എനിക്കത് ചെയ്യേണ്ടിവന്നു. എന്നാൽ അതിനോട് എങ്ങനെ പ്രതികരിക്കണമെന്ന് അവർക്കൊരു ധാരണയുമുണ്ടായിരുന്നില്ല.' -പാർവതി തിരുവോത്ത് പറഞ്ഞു.
Content Highlights: Actress Parvathy Thiruvothu shared a difficult experience from the sets of the 2013 Tamil film Maryan. She was forced to stay in wet clothes for hours despite being on her period, eventually having to shout out her condition to get the crew to allow her a break to change.
Published: 14 Jan 2026, 03:32 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented