പണത്തിന് പിന്നാലെ പോകുന്നവളെന്ന് പരിഹാസം;വജ്രമാണ് വേണ്ടതെന്ന് സുസ്മിതയുടെ മറുപടി


താന്‍ ഇതുവരെ കണ്ടിട്ടില്ലാത്ത 'പരിചയക്കാര്‍' തന്റെ ജീവിതത്തെ കുറിച്ചുള്ള ആഴത്തിലുള്ള അറിവു പങ്കുവെയ്ക്കുമ്പോള്‍ അവരെ പ്രതിഭകള്‍ എന്ന് വിശേഷിപ്പിക്കണമെന്നും പരിഹാസരൂപത്തില്‍ സുസ്മിത കുറിപ്പില്‍ പറയുന്നു. 

സുസ്മിത സെന്നും ലളിത് മോദിയും | Photo: instagram/ lalit modi

ബോളിവുഡ് നടിയും വിശ്വസുന്ദരിയുമായിരുന്ന സുസ്മിത സെന്നുമായുള്ള പ്രണയം കഴിഞ്ഞ ദിവസമാണ് ഐപിഎല്‍ ചെയര്‍മാനായിരുന്ന ലളിത് മോദി വെളിപ്പെടുത്തിയത്. ഇതിന് പിന്നാലെ സുസ്മിതയുടെ പ്രണയജീവിതത്തെ കുറിച്ചുള്ള ചര്‍ച്ചകളും സോഷ്യല്‍ മീഡിയയില്‍ സജീവമായി. ഇതുവരെ വിവാഹിതയാകാത്ത സുസ്മിതയുടെ ജീവിതത്തില്‍ പതിനൊന്നോളം കാമുകന്‍മാരുണ്ടായിരുന്നത്. കഴിഞ്ഞ ഡിസംബറിലാണ് ഫാഷന്‍ മോഡലായ റോഹ്‌മാനുമായുള്ള പ്രണയം സുസ്മിത അവസാനിപ്പിച്ചത്. ഇരുവരും തമ്മില്‍ 15 വയസിന്റെ പ്രായവ്യത്യാസമുണ്ടായിരുന്നു. ഈ ബന്ധം വേര്‍പിരിഞ്ഞ് ഏഴു മാസങ്ങള്‍ക്കുള്ളിലാണ് സുസ്മിതയുടെ അടുത്ത പ്രണയം പുറത്തുവന്നിരിക്കുന്നത്.

ഇതോടെ സോഷ്യല്‍ മീഡിയയിലും ചര്‍ച്ച ചൂടുപിടിച്ചു. സുസ്മിതയ്‌ക്കെതിരേ നിരവധി ട്രോളുകളും പരിഹാസ പോസ്റ്റുകളും പ്രത്യക്ഷപ്പെട്ടു. സ്‌നേഹത്തിന് പകരം കാമുകന്റെ ബാങ്ക് ബാലന്‍സ് നോക്കിയാണ് സുസ്മിതയുടെ പ്രണയങ്ങള്‍ എന്നുവരെ ആളുകള്‍ പരിഹസിച്ചു. റോഹ്‌മാനുമായുള്ള ബന്ധം അവസാനിപ്പിച്ചത് അതിനാലാണെന്നും മോദിയുടെ സാമ്പത്തികമാണ് സുസ്മിതയുടെ കണ്ണിലുടക്കയിതെന്നും പോസ്റ്റുകള്‍ പ്രത്യക്ഷപ്പെട്ടു. ഇതിന് പിന്നാലെ ഈ ട്രോളുകള്‍ക്കെല്ലാം മറുപടിയുമായി രംഗത്തെത്തിയിരിക്കുകയാണ് സുസ്മിത.

സ്വര്‍ണത്തേക്കാള്‍ തനിക്ക് താത്പര്യം വജ്രമാണെന്നും അതു വാങ്ങിത്തരാന്‍ തനിക്ക് ഒരു പുരുഷന്റെ ആവശ്യമില്ലെന്നും അതിനുള്ള പണം തന്റെ കൈയിലുണ്ടെന്നും സുസ്മിത ഇന്‍സ്റ്റഗ്രാം കുറിപ്പില്‍ പറയുന്നു. നമുക്ക് ചുറ്റുമുള്ള ലോകം ദയനീയവും അസന്തുഷ്ടവുമാണെന്ന് കാണുമ്പോള്‍ ഹൃദയം നുറുങ്ങുന്നു. താന്‍ ഇതുവരെ കണ്ടിട്ടില്ലാത്ത 'പരിചയക്കാര്‍' തന്റെ ജീവിതത്തെ കുറിച്ചുള്ള ആഴത്തിലുള്ള അറിവു പങ്കുവെയ്ക്കുമ്പോള്‍ അവരെ പ്രതിഭകള്‍ എന്ന് വിശേഷിപ്പിക്കണമെന്നും പരിഹാസരൂപത്തില്‍ സുസ്മിത കുറിപ്പില്‍ പറയുന്നു.

സുസ്മിതയുടെ ഈ കുറിപ്പിന് പിന്തുണയുമായി നിരവധി ബോളിവുഡ് താരങ്ങള്‍ രംഗത്തെത്തി. പ്രിയങ്ക ചോപ്ര, നേഹ ധൂപിയ, രണ്‍വീര്‍ സിങ്ങ് എന്നിവരെല്ലാം പോസ്റ്റിന് താഴെ കമന്റ് ചെയ്തു. രാജ്ഞി എന്നാണ് സുസ്മിതയെ പ്രിയങ്ക വിശേഷിപ്പിച്ചത്.

നേരത്തെ ലളിത് മോദി പ്രണയം വെളിപ്പെടുത്തിയതിന് പിന്നാലെ വിശദീകരണവുമായി സുസ്മിത രംഗത്തെത്തിയിരുന്നു. സന്തോഷകരമായ ഒരിടത്താണ് ഇപ്പോഴുള്ളതെന്നും ഇതുവരെ വിവാഹം കഴിഞ്ഞിട്ടില്ലെന്നും നിരുപാധികമായ സ്‌നേഹത്താല്‍ ചുറ്റപ്പെട്ടിരിക്കുകയാണെന്നും സുസ്മിത ഇന്‍സ്റ്റഗ്രാമില്‍ കുറിച്ചു. മക്കള്‍ക്കൊപ്പമുള്ള ചിത്രവും താരം പങ്കുവെച്ചിരുന്നു.

Content Highlights: netizens call sushmita sen gold digger for dating lalit modi

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


shajahan murder

2 min

ഷാജഹാന്‍ വധം; മുഴുവന്‍ പ്രതികളും പിടിയില്‍,കൊലയ്ക്ക് ശേഷം പ്രതികള്‍ ബാറിലെത്തിയതായി CCTV ദൃശ്യങ്ങള്‍

Aug 16, 2022

Most Commented