രാജകീയ വിവാഹത്തിന്റെ മനോഹരമായ ചിത്രങ്ങള്‍ പങ്കുവെച്ച് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമിന്റെ മകള്‍ ഷെയ്ഖ മഹ്‌റ ബിന്‍ത് മുഹമ്മദ് ബിന്‍ റാഷിദ് അല്‍ മക്തൂം. വരന്‍ ഷെയ്ഖ് മന ബിന്‍ മുഹമ്മദ് ബിന്‍ റാഷിദ് ബിന്‍ മന അല്‍മക്തൂമിനൊപ്പം ചേര്‍ന്നു നില്‍ക്കുന്ന ചിത്രങ്ങളും കേക്ക് മുറിക്കുന്ന ചിത്രങ്ങളുമാണ് ഷെയ്ഖ മഹ്‌റ പോസ്റ്റ് ചെയ്തത്.
നാടോടിക്കഥകളിലെ രാജകുമാരിയെ ഓര്‍മിപ്പിക്കുന്ന തരത്തിലാണ് ഷെയ്ഖ മഹ്‌റ ചിത്രങ്ങളില്‍ പ്രത്യക്ഷപ്പെട്ടത്. എംബ്രോയ്ഡറി ചെയ്ത വെള്ള ഗൗണായിരുന്നു വിവാഹ വസ്ത്രം. വിശിഷ്ടമായ ഡയമണ്ട് നെക്ക്‌ളേസും കമ്മലും ഇതിനൊപ്പം അണിഞ്ഞു. പരമ്പരാഗത വേഷമായ കന്തൂറയാണ് ഷെയ്ഖ് മന ധരിച്ചിരിക്കുന്നത്.
ദുബായിലെ ഫാഷന്‍ ഹൗസായ Ezra Couture-നേയും ഷെയ്ഖ മഹ്‌റ ടാഗ് ചെയ്തിട്ടുണ്ട്. Ezra Couture ആണ് ഈ ഗൗണ്‍ ഡിസൈന്‍ ചെയ്തത്. ഇതിന്റെ വീഡിയോ Ezra Couture ഇന്‍സ്റ്റഗ്രാമില്‍ പങ്കുവെയ്ക്കുകയും ചെയ്തിട്ടുണ്ട്.
കഴിഞ്ഞ മെയ് 27-നായിരുന്നു ഇരുവരുടേയും വിവാഹം. നേരത്തെ ഷെയ്ഖ് മനയുടെ പിതാവ് ഷെയ്ഖ് മുഹമ്മദ് ബിന്‍ റാഷിദ് ബിൻ മന അല്‍ മക്തൂം നവദമ്പതിമാർക്കായി എഴുതിയ ഹൃദയസ്പര്‍ശിയായ കവിതയ്‌ക്കൊപ്പമാണ് തന്റെ വിവാഹ വാര്‍ത്ത ഷെയ്ഖ മഹ്‌റ ഔദ്യോഗികമായി അറിയിച്ചത്. ഇതേ കവിത ഷെയ്ഖ് മനയും ഇന്‍സ്റ്റഗ്രാമില്‍ പങ്കുവെച്ചിരുന്നു.
Content Highlights: dubai royal wedding sheikh mohammeds daughter sheikha mahra shares new photos from fairytale union
Published: 12 Jun 2023, 02:41 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented