അംബാനി കുടുംബത്തിലേക്ക് അടുത്തിടെ ഒരു കുഞ്ഞതിഥി കൂടി എത്തിയിരുന്നു. മുകേഷ് അംബാനി-നിത അംബാനി ദമ്പതികളുടെ മൂത്ത മകനായ ആകാശ് അംബാനിക്കും ഭാര്യ ശ്ലോക അംബാനിക്കുമാണ് ഒരു പെണ്‍കുഞ്ഞ് പിറന്നത്. ഇപ്പോഴിതാ കുഞ്ഞിന്റെ പേര് വെളിപ്പെടുത്തിയിരിക്കുകയാണ് ഇരുവരും.

To advertise here,

വേദ ആകാശ് അംബാനി എന്നാണ് പേര് നല്‍കിയിരിക്കുന്നത്. പേര് വെളിപ്പെടുത്തിയുള്ള കാര്‍ഡും ഇരുവരും പങ്കുവെച്ചു. ഇവരുടെ മൂത്ത മകന്‍ പൃഥ്വി കുഞ്ഞനിയത്തിയുടെ പേര് വെളിപ്പെടുത്തിയതു പോലെയാണ് കാര്‍ഡ് ഡിസൈന്‍ ചെയ്തിരിക്കുന്നത്. മെയ് 31-നാണ് ഇരുവര്‍ക്കും പെണ്‍കുഞ്ഞ് പിറന്നത്.

നിത മുകേഷ് അംബാനി കള്‍ച്ചറല്‍ സെന്റര്‍ ഉദ്ഘാടന ചടങ്ങിനിടെയാണ് താന്‍ ഗര്‍ഭിണിയാണെന്ന സന്തോഷവാര്‍ത്ത ശ്ലോക പങ്കുവെച്ചത്. ഇവരുടെ മൂത്ത മകന്‍ പൃഥ്വിക്ക് രണ്ടര വയസ്സാണ് പ്രായം. 2019-ലായിരുന്നു ആകാശിന്റേയും ശ്ലോകയുടേയും വിവാഹം

മുകേഷ് അംബാനിയുടേയും നിത അംബാനിയുടേയും നാലാമത്തെ പേരക്കുട്ടിയാണ് വേദ. അംബാനിയുടെ മകളായ ഇഷയ്ക്ക് നേരത്തെ ഇരട്ടക്കുഞ്ഞുങ്ങള്‍ പിറന്നിരുന്നു. ഇഷയ്ക്കും ആനന്ദ് പിരാമലിനും ഒരു ആണ്‍കുഞ്ഞും പെണ്‍കുഞ്ഞുമാണുണ്ടായത്. ആദ്യശക്തി, കൃഷ്ണ എന്നിങ്ങനെയാണ് ഇവരുടെ പേരുകള്‍.