വീട്ടിൽ അതിഥികൾ വരുമ്പോഴും ഏതെങ്കിലും സദസ്സിൽ എത്തപ്പെടുമ്പോഴും അച്ഛനമ്മമാരുടെ പിന്നിൽ മറഞ്ഞിരിക്കാറുള്ള കുഞ്ഞുങ്ങളുണ്ട്. വീട്ടിൽ മിടുമിടുക്കരായ ഇക്കൂട്ടർ പുറത്തിറങ്ങുന്നതോടെ ആളാകെ മാറും. ഇത് മാറ്റിയെടുക്കാൻ ചില വഴികളുണ്ട്...
To advertise here,
- വീടിനുള്ളിലെ സാഹചര്യങ്ങളുമായി പൊരുത്തപ്പെടുന്നയത്ര എളുപ്പത്തിൽ പുറംലോകത്ത് ഇടപെഴകാൻ കഴിയാതെവരുന്നതാണ് കുട്ടികളുടെ പ്രധാന പ്രശ്നം. വീടിന് പുറത്തെ ലോകവുമായി പരിചയത്തിലാകാൻ അവരെ സഹായിക്കുകയാണ് ഇക്കാര്യത്തിൽ പ്രധാനം.
- വീട്ടിൽനിന്ന് വല്ലപ്പോഴും മാത്രം പുറത്തിറങ്ങുന്ന ഒരു കുട്ടിക്ക് പെട്ടെന്നൊരുദിവസം ആൾക്കൂട്ടത്തിനിടയിൽ സ്വതന്ത്രമായി ഇടപഴകാൻ കഴിഞ്ഞെന്നുവരില്ല. അതുകൊണ്ടുതന്നെ ആ അപരിചിതത്വം ഇല്ലാതാക്കാനാണ് അച്ഛനമ്മമാർ ആദ്യം ശ്രമിക്കേണ്ടത്.
- വീട്, സ്കൂൾ എന്നീ രണ്ട് ലക്ഷ്യങ്ങളിലാണ് പലപ്പോഴും കുഞ്ഞുങ്ങളുടെ യാത്രകൾ അവസാനിക്കാറുള്ളത്. ആഴ്ചയിലൊരിക്കലെങ്കിലും കുട്ടിക്കൊപ്പം പുറത്തേക്ക് ചെറിയ യാത്രകൾ നടത്തുക. കല്യാണങ്ങൾ പോലുള്ള ആഘോഷങ്ങളിൽ അവരെ കൂടെക്കൂട്ടാം.
- ആളുകളുമായി സംസാരിക്കാനും ചങ്ങാത്തങ്ങൾ ഉണ്ടാക്കിയെടുക്കാനും അവർക്ക് അവസരം നൽകുകതന്നെവേണം.
- ഹലോ, ഗുഡ്മോണിങ്, ഗുഡ്ഈവനിങ് തുടങ്ങിയ ആശംസാവാക്കുകളും അവർക്ക് പരിചയപ്പെടുത്തണം. പെരുമാറ്റത്തിലും സംസാരത്തിലുമുള്ള മാന്യത ഒരു നല്ല സാമൂഹികശീലമായി കുഞ്ഞുങ്ങളിൽ വളർത്തിയെടുക്കുക. അതിന് അച്ഛനമ്മമാർതന്നെയാകണം മികച്ച മാതൃക.
- ആത്മവിശ്വാസത്തോടെയുള്ള ആശയവിനിമയശേഷി വ്യക്തിത്വത്തിന്റെ പ്രധാന ഘടകമാണ്. വീടിനുള്ളിലും പുറത്തും ഒരുപോലെ മിടുമിടുക്കരായി വളരാൻ അവർക്ക് സാഹചര്യം ഒരുക്കിക്കൊടുക്കാം.
Content Highlights: Expose children to social gatherings gradually beyond home and school.
Published: 17 Nov 2026, 11:32 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Related Articles
Recommended For You
More from this section
To advertise here,
Most Read
To advertise here,



Most Commented