മധുരപ്രിയരാണ് കുട്ടികൾ. മിഠായികളും മധുരപലഹാരങ്ങളും ആവശ്യത്തിലധികം കഴിക്കും. ഈ ശീലം പല ആരോഗ്യപ്രശ്നങ്ങളും ഉണ്ടാക്കും. ഇക്കാര്യത്തിൽ ചിലത് ശ്രദ്ധിക്കാം.

To advertise here,
  • രക്ഷിതാക്കൾ തന്നെയാണ് കുട്ടികൾക്ക് മിഠായികളും മറ്റു മധുരപലഹാരങ്ങളും കൊടുത്തു ശീലിപ്പിക്കുന്നത്. ഈ ശീലം ആദ്യം നിർത്തുക.
  • പൂർണമായി മധുരം ഒഴിവാക്കണമെന്നല്ല. ചെറിയ അളവിൽ മാത്രം മധുരപലഹാരങ്ങൾ നൽകുക.
  • മധുരം കഴിക്കുന്നത് പല്ലിന് കേടാണെന്ന് കുട്ടികളെ പറഞ്ഞു മനസ്സിലാക്കണം.
  • ഒരു മിഠായി കഴിച്ച് വീണ്ടും അടുത്തത് ചോദിക്കുന്ന ശീലം ഒഴിവാക്കിക്കണം.
  • മധുരം ആവശ്യത്തിൽ അധികം കഴിച്ചാലുള്ള ആരോഗ്യപ്രശ്നങ്ങളെക്കുറിച്ച് കുട്ടികളെ ബോധവാൻമാരാക്കണം.
  • മിഠായിയും മറ്റും കഴിച്ചാൽ പല്ലുതേക്കാനും ശീലിപ്പിക്കണം.
  • മിഠായിക്കുവേണ്ടി കുട്ടികൾ വാശിപിടിക്കുമ്പോൾ അതിന് വഴങ്ങിക്കൊടുക്കരുത്. ക്രമേണ ആ വാശി അവർ ഉപേക്ഷിക്കും.
  • കുട്ടികളെ സന്തോഷിപ്പിക്കാൻ മിഠായി വാങ്ങിക്കൊടുക്കുന്നവരുണ്ട്. അതിനുപകരം അവർക്കിഷ്ടമുള്ള കളിപ്പാട്ടങ്ങളോ ക്രയോൺസോ പുസ്തകങ്ങളോ വാങ്ങിക്കൊടുത്തോളൂ.
  • മധുരം കഴിക്കാതിരിക്കുന്ന കാര്യത്തിൽ മാതാപിതാക്കളും മാതൃകയാകുക. അറിഞ്ഞുകൊണ്ട് കുട്ടികളെ രോഗങ്ങളിലേക്ക് നയിക്കാതിരിക്കാം.