പഴയങ്ങാടി : റെയിൽവേ അടിപ്പാത നിർമാണം യാഥാർഥ്യത്തിലേക്ക്. നിർമാണം ആരംഭിക്കുന്നതിന് മുന്നോടിയായുള്ള പ്രാഥമിക പ്രവർത്തനങ്ങൾ തുടങ്ങി. എം. വിജിൻ എം.എൽ.എ. സ്ഥലത്തെത്തി നിർമാണപ്രവൃത്തി ഏറ്റെടുത്ത കരാറുകാരന്റെ പ്രതിനിധി പ്രസീതും എം.എൽ.എയോടൊപ്പം ഉണ്ടായി.
പഴയങ്ങാടിയിലെ രൂക്ഷമായ ഗതാഗതക്കുരുക്കിന് പരിഹാരം കാണുന്നതിനായി വിവിധ ഘട്ടങ്ങളിലായി നടത്തിയ നിരന്തര ഇടപെടലുകളുടെ ഭാഗമായാണ് നിലവിലുള്ള അടിപ്പാതയ്ക്ക് സമാന്തരമായി പുതിയ അടിപ്പാത നിർമിക്കാൻ മുൻ സർക്കാർ ഏഴ് കോടി രൂപ അനുവദിച്ചത്.
നിലവിലുള്ള അടിപ്പാതയ്ക്ക് സമീപം ആറു മീറ്റർ വീതിയിലാണ് പുതിയ അടിപ്പാത നിർമിക്കുന്നത്. ഇതോടൊപ്പം അപ്രോച്ച് റോഡിന്റെ ഉപരിതല നവീകരണം, കോൺക്രീറ്റ് ഡ്രെയിനുകളുടെ നിർമാണം, വെള്ളം സമീപത്തെ ഡ്രെയിനേജ് സംവിധാനത്തിലേക്ക് തിരിച്ചുവിടുന്നതിനുള്ള ക്രോസ് ഡ്രെയിനുകൾ, ബ്രെയിൻ സ്ലാബ് തുടങ്ങിയ അനുബന്ധ പ്രവൃത്തികളും നടപ്പാക്കും. ഈ പ്രവൃത്തികളുടെ ടെൻഡർ ഇരിക്കൂർ കൺസ്ട്രക്ഷൻ ഏറ്റെടുത്തിട്ടുണ്ട്. അടിപ്പാത നിർമാണത്തോടൊപ്പം അനുബന്ധ പ്രവൃത്തികളും ആരംഭിക്കും.
സമയബന്ധിതമായി നിർമാണം പൂർത്തിയാക്കി പഴയങ്ങാടിയിലെ ജനങ്ങൾ അനുഭവിക്കുന്ന ഗതാഗതക്കുരുക്കിന് ശാശ്വത പരിഹാരം കാണുകയാണ് ലക്ഷ്യമെന്നും എം.എൽ.എ. പറഞ്ഞു.
Published: 18 Nov 2026, 04:05 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented