വീട്ടില്‍ എളുപ്പത്തിലുണ്ടാക്കാവുന്ന പലഹാരമാണ് പീനട്ട് ടിക്കി. നിലക്കടല, ഉരുളക്കിഴങ്ങ്, മസാലകള്‍ തുടങ്ങി ചുരുക്കം ചേരുവകള്‍ മാത്രമേ പീനട്ട് ടിക്കി തയ്യാറാക്കാനായി ആവശ്യമുള്ളു. 25 മിനിറ്റിനുള്ളില്‍ ഈ പലഹാരം ഉണ്ടാക്കിയെടുക്കാം.
ആവശ്യമായ സാധനങ്ങള്‍
നിലക്കടല
പുഴുങ്ങി ഉടച്ച ഉരുളക്കിഴങ്ങ്
മുളകുപൊടി - 1/2 ടീ സ്പൂണ്‍
ഗരം മസാല- 1/2 ടീ സ്പൂണ്‍
ജീരകപ്പൊടി- 1/2 ടീ സ്പൂണ്‍
കായം- ഒരു നുള്ള്
ബ്രഡ് ക്രംപ്‌സ്
നാരങ്ങാ നീര്
മല്ലിയില അരിഞ്ഞത്
ഉപ്പ്
എണ്ണ
തയ്യാറാക്കുന്ന വിധം
ഒരു പാത്രത്തില്‍ പുഴുങ്ങി ഉടച്ച ഉരുളക്കിഴങ്ങും നിലക്കടലയുമിട്ട് കുഴയ്ക്കുക. ഇതിലേക്ക് മുളകുപൊടി, ഖരം മസാല, ജീരകപ്പൊടി, കായം എന്നിവ ചേര്‍ക്കുക. ശേഷം ബ്രഡ് ക്രംപ്‌സ് കൂടി ചേര്‍ത്ത്, നാരങ്ങാ നീര് ഒഴിക്കുക. ഇതിലേക്ക് അരിഞ്ഞുവെച്ച മല്ലിയിലയും ഉപ്പും ചേര്‍ത്ത് നന്നായി കൂട്ടിയിളക്കുക. ഇവ ഉരുട്ടി ചെറുതായി പരത്തി വെക്കുക. ശേഷം മിതമായ ചൂടില്‍ എണ്ണയില്‍ ഫ്രൈ ചെയ്‌തെടുക്കുക. ഒരു ഭാഗം 3-4 മിനിറ്റു വരെയാണ് വേവിക്കേണ്ടത്. ഗോള്‍ഡന്‍ ബ്രൗണ്‍ കളറാകുന്നതു വരെ പീനട്ട് ടിക്കികള്‍ വേവിക്കുക. ഇത് ചട്‌നിക്കൊപ്പവും കഴിക്കാം.
Content Highlights: Easy Peanut Tikki Recipe
Published: 19 May 2025, 05:08 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented