സ്ത്രീകളുടെ ശബരിമല എന്നറിയപ്പെടുന്ന ആറ്റുകാൽ ഭഗവതി ക്ഷേത്രത്തിലെ പൊങ്കാല മഹോത്സവവുമായി ബന്ധപ്പെടുത്തി ഒരു പോസ്റ്റ് പ്രചരിക്കുന്നുണ്ട്. കെ.പി.സി.സി. വർക്കിങ് പ്രസിഡന്റ് ടി.എൻ. പ്രതാപൻ ആറ്റുകാൽ പൊങ്കാലയെ അധിക്ഷേപിച്ചുവെന്നാണ് ഈ പോസ്റ്റിലെ വാദം. മാതൃഭൂമി ഫാക്ട് ചെക്കിന് വസ്തുതാ പരിശോധനയ്ക്ക് ലഭിച്ച സന്ദേശം പരിശോധിച്ചതിൽനിന്നു പ്രചാരണം വ്യാജമാണെന്ന് കണ്ടെത്തി.

ടി.എൻ. പ്രതാപന്റെ ചിത്രവും അതിന് മുകളിലായി 'ആറ്റുകാൽ പൊങ്കാല മീൻകറിയും കപ്പയും കൂട്ടി കഴിച്ചാൽ ആകാശമിടിഞ്ഞ് വീഴുമോ എന്നും എഴുതിയിരിക്കുന്നതാണ് പോസ്റ്ററിൽ. റിവേഴ്സ് ഇമേജ് സർച്ച് ചെയ്തപ്പോൾ ഇതേ ചിത്രം കഴിഞ്ഞ വർഷവും പ്രചരിച്ചതായി കണ്ടെത്തി. 2024 ഫെബ്രുവരി 28-ലെ പോസ്റ്റിന്റെ സ്ക്രീൻഷോട്ട് ചുവടെ ചേർക്കുന്നു.

പ്രസ്തുത പോസ്റ്റ് ആദ്യം പ്രചരിക്കുന്ന സമയത്ത് പ്രതാപൻ ലോക്സഭാ എം.പിയായിരുന്നു. ആ സാഹചര്യത്തിൽ അദ്ദേഹത്തിന്റെ ഭാഗത്തുനിന്ന് ഇത്തരത്തിലൊരു പരാമർശം ഉണ്ടായിരുന്നെങ്കിൽ തീർച്ചയായും അത് വാർത്തയാകേണ്ടതാണ്. എന്നാൽ പ്രതാപൻ ഇത്തരത്തിലൊരു പ്രസ്താവന നടത്തിയതായി റിപ്പോർട്ടുകളൊന്നുമില്ല. തുടർന്ന്, ടി.എൻ പ്രതാപന്റെ ഓഫീസുമായി ബന്ധപ്പെട്ടു. ഇത് വ്യാജസന്ദേശമാണെന്നും മുൻവർഷവും സമാന പ്രചാരണം നടന്നതായും ബന്ധപ്പെട്ടവർ വ്യക്തമാക്കി.
വാസ്തവം
കോൺഗ്രസ് നേതാവ് ടി.എൻ. പ്രതാപൻ ആറ്റുകാൽ പൊങ്കാലയെ അധിക്ഷേപിച്ചു എന്ന പ്രചാരണം വ്യാജമാണ്. കഴിഞ്ഞ വർഷവും സമാന പ്രചാരണം നടന്നിട്ടുണ്ട്.
Content Highlights: The claim in this post is that KPCC Working President T.N. Prathapan insulted Attukal Pongala
Published: 14 Mar 2025, 03:11 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented