ഡി.ജി.പിയുടെ പേരിൽ പ്രചരിക്കുന്ന സന്ദേശം വ്യാജം | Fact Check

ലഹരി ഉപയോഗിക്കുന്നത് ശ്രദ്ധയിൽപ്പെട്ടാൽ, ജനങ്ങൾക്ക് മടിക്കാതെ നേരിട്ട് ഡി.ജി.പിയോട് പരാതിപ്പെടാം എന്നാണ് പ്രചരിക്കുന്ന സന്ദേശത്തിൽ പറയുന്നത്. പരാതി അറിയിക്കുന്നതിനായി ഒരു ലാൻഡ് ലൈൻ നമ്പറും  മൊബൈൽ നമ്പറും ഇതിൽ നൽകിയിട്ടുണ്ട്. ഫോൺകോളായോ വാട്‌സ്ആപ്പ് വഴിയോ പരാതികൾ അറിയിക്കാമെന്നും സന്ദേശത്തിൽ പറയുന്നു. 

സന്ദേശത്തിൽ നൽകിയിരിക്കുന്ന നമ്പറുകൾ പരിശോധിച്ചു, ഡി.ജി.പിയുടെ ഔദ്യോഗിക ലാൻറ് ലൈൻ നമ്പറാണ് ഇതിലൊന്ന് എന്ന് കേരള പോലീസിൻറെ സൈറ്റ് പരിശോധിച്ചതിൽനിന്നു വ്യക്തമായി. സംസ്ഥാന പോലീസ് വകുപ്പിലെ ഉന്നതോദ്യോഗസ്ഥന്റെ നമ്പറിൽ ഇത്തരത്തിൽ നേരിട്ട് പരാതി സ്വീകരിക്കുന്നു എന്നത് സംബന്ധിച്ച് വിവരങ്ങളൊന്നും ഇല്ല. പ്രചരിക്കുന്ന സന്ദേശത്തിന്റെ സത്യാവസ്ഥ അറിയുന്നതിനായി കേരള പോലീസ് ഇൻഫോർമേഷൻ സെന്ററുമായി ബന്ധപ്പെട്ടു. ഡി.ജി.പിയുടെ പേരിൽ നടക്കുന്ന ഈ പ്രചാരണം വ്യാജമാണെന്ന്  അവർ വ്യക്തമാക്കി.

അതേസമയം, ഇത്തരം വിഷയങ്ങളുമായി ബന്ധപ്പെട്ട് പരാതി/ വിവരം നൽകുന്നതിനായി കേരള പോലീസിന് 'യോദ്ധാവ്' എന്ന പേരിൽ പ്രത്യേക  പദ്ധതിയുണ്ട്. ലഹരിമരുന്നിന്റെ വിതരണവും ഉപയോഗവും വ്യാപനവും തടയുക എന്ന ലക്ഷ്യത്തോടെ  2022 ൽ ആണിത് ആരംഭിച്ചത്.  ഈ പദ്ധതിയുടെ ഭാഗമായി, ലഹരിമരുന്നുമായി ബന്ധപ്പെട്ട വിവരങ്ങൾ കൈമാറുന്നതിനായി 9995966666 എന്ന നമ്പർ ഏർപ്പെടുത്തിയിട്ടുണ്ട്. ലഹരിവിൽപ്പയും ഉപയോഗവും സംബന്ധിച്ച ഫോട്ടോ, വീഡിയോ, വോയ്‌സ് ഉൾപ്പടെയുള്ളവ ഈ നമ്പറിലേക്ക് വാട്‌സ്ആപ്പ് ചെയ്യാവുന്നതാണ്.

https://newspaper.mathrubhumi.com/news/kerala/police-to-implement-yodhav-programme-to-prevent-usage-and-distribution-of-drugs-1.7855288 

https://www.facebook.com/photo?fbid=1195908718566064&set=a.533415988148677
https://whatsapp.com/channel/0029VaGkRxoD8SE0GjvKQn2s