
ഭോപ്പാൽ: പ്രൊജക്ട് ചീറ്റയ്ക്ക് പുതിയ നാഴികക്കല്ലായി കുനോ നാഷണൽ പാർക്കിൽ അഞ്ച് ചീറ്റ കുഞ്ഞുങ്ങൾ പിറന്നു. ഇന്ത്യയിൽ ജനിച്ച 33 മാസം പ്രായമുള്ള പെൺ ചീറ്റയായ മുഖിയാണ് വ്യാഴാഴ്ച അഞ്ച് കുഞ്ഞുങ്ങൾക്ക് ജന്മം നൽകിത്. മധ്യപ്രദേശ് മുഖ്യമന്ത്രി മോഹൻ യാദവ് തന്റെ എക്സ് അക്കൗണ്ടിലൂടെയാണ് സന്തോഷവാർത്ത അറിയിച്ചത്.
‘മധ്യപ്രദേശിലെ കുനോ ദേശീയോദ്യാനത്തിൽ ജനിച്ച ചീറ്റ മുഖി, അഞ്ച് കുഞ്ഞുങ്ങൾക്ക് ജന്മം നൽകിയിരിക്കുന്നു. ഇത് പ്രൊജക്ട് ചീറ്റയ്ക്ക് ഒരു ചരിത്രപരമായ നാഴികക്കല്ലാണ്. അമ്മയും കുഞ്ഞുങ്ങളും സുഖമായിരിക്കുന്നു. ഇന്ത്യയുടെ ചീറ്റ പുനരുൽപാദന സംരംഭത്തിന് ഇതൊരു വഴിത്തിരിവായിരിക്കും’- അദ്ദേഹം കുറിച്ചു
രാജ്യത്ത് ചീറ്റപ്പുലികൾക്കുണ്ടായ വംശനാശത്തുടർന്നാണ് 2022 സെപ്റ്റംബറിൽ പ്രോജക്ട് ചീറ്റയ്ക്ക് കേന്ദ്രസർക്കാർ രൂപം നൽകിയത്. ഇന്ത്യൻ കാടുകളുടെ സ്വാഭാവിക ആവാസവ്യവസ്ഥ തിരികെക്കൊണ്ടുവരികയാണ് പദ്ധതിയുടെ ലക്ഷ്യം. ഏഷ്യാറ്റിക് ചീറ്റകളാണ് ഇന്ത്യയിൽ ഉണ്ടായിരുന്നതെങ്കിലും വംശനാശത്തിന്റെ വക്കിലെത്തിയ ഇവയെ പദ്ധതിക്ക് ഉപയോഗിക്കാൻ പറ്റാത്തതിനാൽ ആഫ്രിക്കൻ ചീറ്റകളെയാണ് മൂന്നുവർഷങ്ങൾക്ക് മുമ്പ് കുനോയിലെത്തിച്ചത്.
Content Highlights: Five cheetah cubs born to Indian-born cheetah Mukhi in Kuno National Park mark a significant milestone for Project Cheetah.
Published: 20 Nov 2025, 02:41 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented