പത്തനംതിട്ട: സിപിഎമ്മിനെതിരേ സോഷ്യല്‍മീഡിയവഴി വ്യാജപ്രചാരണം നടത്തുന്നെന്നുകാണിച്ച് ജില്ലാ സെക്രട്ടറി രാജു ഏബ്രഹാം ജില്ലാ കളക്ടര്‍ക്ക് പരാതി നല്‍കി. റാന്നി ഗ്രാമപ്പഞ്ചായത്ത് 20-ാം വാര്‍ഡില്‍ ബിന്ദു അമ്മിണി എന്നയാള്‍ സിപിഎം സ്ഥാനാര്‍ഥിയായി മത്സരിക്കുമെന്ന വ്യാജകാര്‍ഡുകള്‍ ഏതോ കേന്ദ്രങ്ങള്‍ പ്രചരിപ്പിക്കുന്നു. ശബരിമല പോരാട്ടനായിക എന്നാണ് കാര്‍ഡില്‍ ബിന്ദു അമ്മിണിയെ വിശേഷിപ്പിച്ചിട്ടുള്ളത്.
റാന്നി പഞ്ചായത്തില്‍ ആകെ 14 വാര്‍ഡാണുള്ളത്. ഇവിടെയാണ് 20-ാം വാര്‍ഡില്‍ മത്സരിക്കുമെന്ന് പ്രചരിപ്പിക്കുന്നത്.
ഇത് വോട്ടര്‍മാരെയും നാട്ടുകാരെയും തെറ്റിദ്ധരിപ്പിക്കാനും സിപിഎമ്മിനെ അപകീര്‍ത്തിപ്പെടുത്താനുമായി ബോധപൂര്‍വം സൃഷ്ടിച്ചതാണ്. ഇതിനുപിന്നില്‍ പ്രവര്‍ത്തിക്കുന്നവരെ കണ്ടെത്തി നടപടി സ്വീകരിക്കണമെന്നും രാജു ഏബ്രഹാം പരാതിയില്‍ ആവശ്യപ്പെട്ടു.
Content Highlights: CPM District Secretary Raju Abraham files complaint with Pathanamthitta District Collector alleging social media misinformation campaign. Seeks action against culprits.
Published: 22 Nov 2025, 12:51 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented