പള്ളിക്കത്തോട്: പഞ്ചായത്തിൽ തുടർഭരണം നിലനിർത്താനുള്ള തീവ്രപ്രചാരണത്തിലാണ് ബിജെപി. നഷ്ടപ്പെട്ട ഭരണം തിരിച്ചുപിടിക്കാനുള്ള തത്രപ്പാടിലാണ് എൽഡിഎഫും യുഡിഎഫും. വീട് കയറിയുള്ള പ്രചാരണത്തിനാണ് മൂന്ന് മുന്നണികളും പ്രാധാന്യം നൽകിയിരിക്കുന്നത്.

To advertise here,

2020-ലാണ് ബിജെപി ആദ്യമായി കേവലഭൂരിപക്ഷത്തിൽ ഭരണത്തിലെത്തുന്നത്. തുടർഭരണം ലക്ഷ്യമിട്ടാണ് പ്രചാരണം. 1985-ലെ തിരഞ്ഞെടുപ്പിലാണ് എൽഡിഎഫ് അവസാനമായി ഭരണത്തിൽ എത്തിയത്. തുടർന്നുനടന്ന തിരഞ്ഞെടുപ്പുകളിലെല്ലാം കേവല ഭൂരിപക്ഷം ലഭിക്കാതെ അധികാരത്തിന് പുറത്തായി. 2020-ൽ കേരളകോൺഗ്രസ്(എം) എൽഡിഎഫിൽ ചേർന്നിട്ടും നാലു സീറ്റുമാത്രമാണ് നേടാനായത്. 2020 വരെ തുടർച്ചയായി 20 വർഷം യുഡിഎഫാണ് ഭരണം നടത്തിയത്. 2020-ൽ കേരള കോൺഗ്രസ്(എം) മുന്നണി മാറിയയതോടെ യുഡിഎഫിന് ഭരണം നഷ്ടമായി.

നഷ്ടപ്പെട്ട ഭരണം തിരിച്ചുപിടിക്കുകയെന്ന ലക്ഷ്യത്തോടെയാണ് യുഡിഎഫ് പ്രചാരണം. ആകെയുള്ള 15 വാർഡുകളിൽ 13-ലും ത്രികോണ മത്സരമാണ്. ആറാം വാർഡ് ഇളമ്പള്ളിയിൽ നിലവിലെ ഭരണ സമിതിയിലെ വൈസ് പ്രസിഡന്റ് കെ.കെ. വിപിനചന്ദ്രനെ നേരിടുന്നത് പ്രതിപക്ഷനേതവ് ജിന്റോ സി. കാട്ടൂർ. 2005-ൽ ഈ വാർഡിൽനിന്നും വിജയിച്ച പ്രസന്നൻ വെള്ളാപ്പള്ളിയാണ് യുഡിഎഫ് സ്ഥാനാർഥി.റോഡ് ഫണ്ട് നഷ്ടപ്പെടുത്തിയതും ഗ്രാമീണ റോഡുകൾ തകർന്നു കിടക്കുന്നതും ബിജെപി-ബിഡിജെഎസ് തർക്കവും ഭരണ വിരുദ്ധ വികാരവും മുതലാക്കാമെന്ന പ്രതീക്ഷയിലാണ് എൽഡിഎഫ്-യുഡിഎഫ് മുന്നണികൾ.

  • ആകെ വാർഡുകൾ: 15
  • സ്ഥാനാർഥികൾ: 49
  • പ്രസിഡന്റ് സ്ഥാനം: ജനറൽ
  • നിലവിലെ ഭരണം: എൻഡിഎ

മത്സരരംഗത്ത്

  • എൻഡിഎ: 15 (ബിജെപി: 14, എൻഡിഎ സ്വതന്ത്രൻ: ഒന്ന്)
  • എൽഡിഎഫ്: 15(സിപിഎം: എട്ട്, കേരള കോൺഗ്രസ്(എം): നാല്, സിപിഐ: മൂന്ന്)
  • യുഡിഎഫ്: 15(കോൺഗ്രസ് 15)